Մշակութային ժառանգության գործակալության ներկայացուցիչը գնահատել է մեսխեթյան տիպի ներբողների կարգավիճակը:
Պարզվեց, որ հուշարձանը, որը պատկանում է Չիտաշվիլիներին, միտումնավոր չի վնասվել:
«Ձմռանը ձյունից ներբողի մի մասը վնասվեց և առաստաղը ճեղքվեց»,- ասում է չարտոնված գործերի գործակալության արձագանքման բաժնի պետը:
Լեվան Ճավճավաձեն, մեսխական հուշարձանի այժմյան տիրոջը՝ Աթանա Չիտաշվիլիի թոռնիկին հանդիպեց և նրա հետ քննարկեց մշակութային հուշարձանը փրկելու տարբերակները:
«Այնքան անտարբեր մարդ էր, ոչ մի կերպ չկարողացանք հետաքրքրություն առաջացնել նրա մոտ: Անգամ առաջարկեցինք, որ կարող ենք թանգարան կառուցել, չնայած նա պարտավոր է հոգ տանել հուշարձանի մասին: Մենք կարող ենք տուգանել, բայց նրա տուն-տեղը կվաճառեն, որ հուշարձանը վերանորոգեն»,- ասում է չարտոնված գործերի գործակալության արձագանքման բաժնի պետը:
Վալեի ներբողի տերը գործակալության ներկայացուցչին ասել է, որ դարպասի մասին հոգալու համար ֆինանսական միջոցներ չունեն: Չիտաշվիլին պատրաստակամություն հայտնեց, կառույցի պահպանման նպատակով, հուշարձանը հանձնել գործակալությանը:
Մասնագետի կարծիքով մեսխեթյան սրահի առաստաղի եւ մասամբ վնասված պատերի վերականգնումը հնարավոր է: Եթե տերը չկարողանա, այդ դեպքում գումարը ստիպված կլինի տրամադրել մշակութային ժառանգության պահպանման ազգային գործակալությունը:
«Կարծում եմ, որ պետք է վերականգնել: Հնարավոր է, մեր գործակալությունը տրամադրի հարկավոր գումարը, եթե ոչ այս տարի, ապա մյուս տարի հաստատ կամրանա և կվերանորոգվի»,- հայտարարում է Լեվան Ճավճավաձեն:
Վալեում գտնվող երկրորդ ներբողը, ըստ մշակութային ժառանգության գործակալության ներկայացուցչի, տագնապալի իրավիճակում չէ: Իսկ Ախալցիխեի քաղաքապետարանի աշխատակից՝ Ռեզո Անդղուլաձեն ասում է, որ փայտե նյութը, որով կառուցված է ներբողը, փտում է: Մեսխեթյան դահլիճը, որը ճանաչված է որպես մշակութային ժառանգության հուշարձան, պատկանում է Մանվելաշվիլիի ունեցվածքին, սակայն գործակալության ներկայացուցչին տիրոջ հետ հանդիպել չի հաջողվել:
Պետական գործակալությունը սկսել է տեղեկություններ փնտրել Մեսխեթի հուշարձանների սեփականատերերի մասին, որպեսզի նրանցից յուրաքանչյուրի հետ ստորագրի պահպանման պայմանագիր: Լեվան Ճավճավաձեն նշում է, որ հուշարձանների սեփականատերերի մեծ մասը աղքատ են և իրենց հնարագվորություններով կառույցներին հետևել չեն կարող:
«Օրենքի համաձայն, հուշարձանի վերանորոգումը պետք է անցկացնի գործակալությունը: Նա իրավունք ունի, սեփականատիրոջը ստիպել, որպեսզի գումարը վճարի, սակայն այս վերանորոգումը հսկայական թվերի հետ է կապված: Չենք ուզում ոչնչացնել նրանց, քանի որ մարդը, հուշարձանի համեմատ, ավելի թանկարժեք է»,- ասում է Լեվան Ճավճավաձեն:
Մշակութային ժառանգության ազգային գործակալությունը գույքագրումը աստիճանաբար իրականացնում է ամբողջ երկրում: Թե երբ կհասնի Վալեի հերթը և երբ կվերանորոգեն կործանման եզրին գտնվող մշակութային հուշարձանները, դեռևս անհայտ է: 9-րդ ալիքը Վալեում գտնվող Մեսխական ոճի չորս դարավոր ներբողների իրավիճակի մասին լայնածավալ նյութ պատրաստեց: Մշակութային ժառանգության գործակալությունը Վալեում փլուզվող ներբողների մասին տեղեկացել է մեր պատրաստած նյութից: Տեղական իշխանության ներկայացուցիչ՝ Ռեզո Անդղուլաձեն ասում է, որ հուշարձանի իրավիճակի մասին գործակալությանը տեղեկացրել է դեռ ձմռանը, սակայն այս հարցը արձագանքի արժանացավ միայն լրատվամիջոցի կատարած աշխատանքից հետո: