Վրաստանի նախագահ Սալոմե Զուրաբիշվիլին Եվրախորհրդարանում ելույթ կունենա դեկտեմբերի 18-ին, Թբիլիսիի ժամանակով 11:30-ին,- նշվում է Եվրախորհրդարանի մամուլի հաղորդագրության մեջ։

Ինչպես նշվում է մամուլի հաղորդագրության մեջ, Սալոմե Զուրաբիշվիլին վերջին տարիներին կոշտ քննադատել է «Վրացական երազանքը»։

«Վերջերս Վրաստանը զանգվածային բողոքի ցույցեր ունեցավ այն բանից հետո, երբ կառավարությունը որոշեց դադարեցնել ԵՄ-ին երկրի անդամակցության գործընթացը 2024 թվականի հոկտեմբերին կայացած վիճելի խորհրդարանական ընտրություններից հետո։ Տիկին Զուրաբիշվիլին, ով Վրաստանի նախագահի պաշտոնը զբաղեցնում է 2018 թվականից, ասել է, որ ընտրությունները, որոնցում իշխող «Վրացական երազանք» կուսակցությունը հայտարարում էր հաղթանակի մասին, կեղծ էին և փաստացի գողացված։ 2024 թվականի նոյեմբերի 28-ին ընդունված բանաձևում Եվրախորհրդարանի պատգամավորները մերժել են Վրաստանում կայացած խորհրդարանական ընտրությունների արդյունքները և պահանջել դրանք կրկին անցկացնել տարվա ընթացքում։

Տիկին Զուրաբիշվիլիի նախագահական ժամկետն ավարտվում է դեկտեմբերի 29-ին, և Վրաստանի նոր խորհրդարանը վերջերս նրա իրավահաջորդ նշանակեց Միխեիլ Ղավելաշվիլիին։ Ֆրանսիայում ծնված, Վրաստանի նախկին արտգործնախարար տիկին Զուրաբիշվիլին եղել է նաև Հարավային Կովկասում Ֆրանսիայի դեսպանը և վերջին տարիներին եղել է «Վրացական երազանքի» կոշտ քննադատը»,- ընթերցում ենք մամուլի հաղորդագրությունում։