Ոստիկանությունը բացահայտել է հանցավոր խումբ, որի անդամները Վրաստանի քաղաքացիների բանկային հաշիվներից հափշտակել են 72,5 հազար լարի: Այս մասին հայտնում են ՆԳՆ մամուլի ծառայությունից:

Թբիլիսիի ոստիկանության վարչության քննչական գլխավոր վարչության աշխատակիցները բերման են ենթարկել 29, 24 եւ 25 տարեկան երեք անձի: Բացի այդ, պատասխանատվության է ենթարկվել 17-ամյա Ռ.Ն.-ն:

Հետաքննությունը պարզել է, որ անչափահասը ստեղծել է ֆիշինգ կայք` ինտերնետային բանկի նմանությամբ: Սոցիալական ցանցերի միջոցով Ռ.Ն-ն սկսել է կայքի հղումը տարածել՝ առաջարկելով մասնակցել վիճակախաղի:

Այն օգտատերերը, ովքեր որոշել են փորձել իրենց բախտը, դարձել են նրանց զոհը: «Գրանցումն» անցնելուց հետո նրանց բոլոր տվյալները արտահոսել են ֆիշինգի էջի մշակողին:

Օգտագործելով այս տեղեկությունները՝ Ռ.Ն. գումարներ է յուրացրել նրանց բանկային հաշիվներից: Նա գումար է փոխանցել իր հանցակիցների հաշիվներին կամ վերածել կրիպտոարժույթի:

«Որոշակի անձնական օգուտի դիմաց» Ռ.Ն.-ի երեք ծանոթների գրանցված էլեկտրոնային դրամապանակների օգնությամբ յուրացրած գումարները կանխիկացվել են:

Ընդհանուր առմամբ, ամբաստանյալներին հաջողվել է գողանալ 72.5 հազար լարի տարբեր քաղաքացիների պատկանող ութ հաշիվներից:

Ձերբակալվածներն արդեն ընդունել են իրենց մեղքը:

Հետաքննություն է սկսվել Վրաստանի քրեական օրենսգրքի երեք հոդվածներով, որոնք ենթադրում են «անձնական հաղորդակցության գաղտնիքների խախտում», «համակարգչային համակարգ չթույլատրված մուտք», «գողություն»: Մեղադրյալներին սպառնում է ազատազրկում՝ վեցից տաս տարի ժամկետով: