Վրաստանի ցամաքային սահմանները քաղաքացիների համար փակ են մնում, սեփական քաղաքացիներին թույլատրվում է միայն մուտք գործել, իսկ օտարերկրացիներին միայն լքել երկիրը: Բացառություն է կատարվում միայն հատուկ դեպքերում, երբ սահմանը հատելու համար հատուկ թույլտվություն է տրվում: Փետրվարի սկզբից այդ բացառությունները վերաբերում են Ջավախքի բնակիչներին, և նրանց թույլատրվում է մեկնել Հայաստան՝ կրթություն, բուժում ստանալու և աշխատելու նպատակներով:

Հունվարից ուսանողները, իսկ փետրվարից էլ Ախալքալաքի շրջանի բնակիչները, ովքեր Հայաստան են մեկնում աշխատանքի կամ բուժման նպատակով, գրանցվում են Ախալքալաքի քաղաքապետարանում` բացառության կարգով: Ըստ Ախալքալաքի քաղաքապետարանի, մինչ օրս 810 մարդ կարողացել է օգտվել այդ հնարավորությունից:

Հիշեցնենք, որ 2020 թվականի մարտից Վրաստանը փակել է իր սահմանները օտարերկրյա քաղաքացիների համար՝ մուտքը թույլատրելով միայն սեփական քաղաքացիներին և արգելով միայն օտարերկրյա քաղաքացիներին: Վրաստանից մուտքն ու ելքն իրականացվում է միայն հատուկ դեպքերում` Արտաքին գործերի նախարարության թույլտվությամբ, որը յուրաքանչյուր գործ քննարկում է առանձին-առանձին: Փետրվարի 1-ից այս կանոնակարգերը հեշտացվել են միայն օդային հաղորդակցության պարագայում:

Հայաստանի Հանրապետությունը բացել էր իր ցամաքային սահմանները դեռ հունվարի կեսերին՝ բացասական «PCR» թեստի դեպքում ընդունելով օտարերկրյա քաղաքացիներին: Սակայն Վրաստանի քաղաքացիները չեն կարող հատել սահմանը, քանի որ Վրաստանը լքել չի թողնում իր քաղաքացիներին լքել երկիրը՝ բացառությամբ հատուկ դեպքերի: Որոշվել է արտագնա աշխատանքի նպատակով արտերկիր մեկնելը Վրաստանում դասակարգել որպես բացառիկ դեպք, որի արդյունքում քաղաքացիների մեկնումը հնարավոր կդառնա առաջիկա օրերին: