Ֆերմերները ՝ «Ագրոդիզել» պետական ​​ծրագրի շրջանակներում դիզելային վառելիք ստանալու համար այժմ կարող են գրանցվել առցանց ՝ օգտագործելով հատուկ վեբ կայքը, հայտնում է Գյուղերի զարգացման գործակալության ֆեյսբուքյան էջը: Տեղեկությունը տարածում է Րադիո Նորը:

Ֆերմերներին արտոնյալ գներով դիզվառելիքի տրամադրումը գյուղերին աջակցելու կառավարության ծրագրի կետերից մեկն է: Գյուղի զարգացման ծրագիրը նպատակ ունի զարգացնել ֆերմերային տնտեսությունները, որոնք ունեն գրանցված հողեր: Հողերի գրանցումն է, որ կդառնա օգնության տրամադրման հիմնական գործոնը:

«Ագրոդիզել» ծրագրի ղեկավար Լեւան Ուրոտաձեն նշել է, որ ֆերմերներն օգտագործում են դիզելային վառելիքի խթանման ծրագրի առավելությունները արդեն երկրորդ տարին: Այս տարի ծրագրում նորույթ կա՝ Ֆերմերները my.mepa.gov.ge կայքի միջոցով կարող են գրանցվել առցանց և ստանալ կտրոններ:

Ֆերմերները կարող են նաև զեղչի քարտեր ստանալ Գյուղերի զարգացման գործակալության տարածաշրջանային մասնաճյուղերում:

Ծրագիրը նախատեսում է վառելիքի կտրոնների տրամադրում` 150 լիտր 1 հեկտարի համար, իսկ ավելի քան 100 հա գյուղատնտեսական նշանակության հողերի համար` ոչ ավելի, քան 15 000 լիտր:

Ողջ երկրի տարածքում դիզելային վառելիքը մատակարարվում է սահմանված ժամանակացույցով.

Փետրվարի 1-ից մարտի 31-ը կտրամադրվի ոչ ավելի, քան երկու հազար լիտր վառելիք
ապրիլի 1-ից ապրիլի 30-ը լրացուցիչ 1,5 հազար լիտր
մայիսի 1-ից դեկտեմբերի 31-ը մնացած քանակը:
Ծրագրի շրջանակներում, բենզալցակայաններում վառելիք գնելիս 1 լիտրի գինը 1.16 լարի է: Եթե նախատեսում եք գնել ավելի քան 1,5 հազար լիտր դիզվառելիք «SOCAR Georgia Petrolium»- ի մեծածախ բազաներից, ապա դրա արժեքը կկազմի 1,07 լարի :

Ծրագիրն իրականացվում է Շրջակա միջավայրի, Գյուղատնտեսության նախարարությունների և «SOCAR Georgia Petroleum»- ի միջև ստորագրված հուշագրի հիման վրա, որի վրա բյուջեի միջոցները չեն ծախսվում: