Վրաստանում բերման են ենթարկել մի մարդու, ով աշխատանքային ստրկության մեջ է ներքաշել Ռուսաստանի Դաշնության քաղաքացուն: Թրաֆիքինգի զոհ դարձած օտարերկրացին մահացել է հերթական դաժան ծեծից հետո: Այս մասին ասվում է Վրաստանի դատախազության հայտարարության մեջ, որը տարածվել է մարտի 14-ին:

Վրաստանի ՆԳՆ-ի կողմից իրականացված հետաքննության արդյունքում պարզվել է, որ 2019 թվականին մեղադրյալը հրավիրել է Ռուսաստանի Դաշնության քաղաքացի Ա.Ֆ.-ին աշխատել Կղվարելիի շրջանի Գավազա գյուղում իրեն պատկանող ագարակում: Վարձակալը խոստացել է ապահովել պատշաճ պայմաններ:

Երբ Ա.Ֆ. ժամանել է ֆերմա, ֆերմայի սեփականատերը չի կատարել այդ խոստումը: Ռուսաստանի Դաշնության քաղաքացին իրականում ստրուկի կյանք է վարել: Նրա անձնագիրը խլել են, նրա ողջ շարժը խստորեն վերահսկվել է, և նա ստիպված է եղել ապրել գոմում: Միաժամանակ Ա.Ֆ.-ն պարբերաբար ենթարկվել է ֆիզիկական բռնության:

Նման միջադեպ է տեղի ունեցել նաև 2021 թվականի փետրվարի 10-ին: Ֆերմայի սեփականատերը դաժան ծեծի է ենթարկել բանվորին և նա ստացել է կողոսկրերի բազմաթիվ կոտրվածքներ: Տուժողին անհապաղ բժշկական օգնություն ցուցաբերելու փոխարեն, մեղադրյալը շարունակել է նրան ծաղրանքի ենթարկել, միաժամանակ ՌԴ քաղաքացուն ստիպել աշխատել: Նա ֆիզիկապես հաշվեհարդար է եղել Ա.Ֆ.-ին մարտի 7-ին, իսկ երեք օր անց նա մահացել է ստացած վնասվածքներից:

Ջ.Ն.-ն մեղադրյալի կարգավիճակով կալանավորվել է մարտի 11-ին: Նրան մեղադրանք է առաջադրվել Վրաստանի ՔՕ 143-1 հոդվածի 3-րդ մասի «գ» և 4-րդ մասի «բ» կետերի համաձայն («Մարդկանցով վաճառք (թրաֆիքինգ) կյանքի կամ առողջության համար վտանգավոր բռնության գործադրմամբ և հանգեցնելով զոհի մահվան»): Այս հանցագործությունը պատժվում է ազատազրկմամբ` 15-ից 20 տարի ժամկետով:

Դատախազության միջնորդության հիման վրա Գուրջաանիի շրջանային դատարանը Ջ.Ն.-ի նկատմամբ՝ որպես խափանման միջոց, ընտրել է կալանավորումը: Գործի քննությունը շարունակվում է: