«Համարեցի, որ անհրաժեշտ չէր ադրենալինը»,- պատվաստումից հետո մահացած կնոջ գործում մեղադրվող բժիշկ

Նորություններ

08.04.2021

Բժիշկը, որին մեղադրում են Ախալցիխեում պատվաստվելուց հետո մահացած բուժքույր Մեգի Բաքրաձեի գործով կեղծ ցուցմունք տալու մեջ, իր երկրորդ ցուցմունքում հետաքննությանն ասում է, որ նրանից հետո, երբ պացիենտի մոտ հավանաբար անաֆիլակտիկ շոկի նշաններ են ի հայտ եկել, ադրենալին չի սրսկել:

Բայց նախաքննությանը տրված առաջին ցուցմունքում, ինչպես նաև լրագրողների հետ հարցազրույցներում նա ասում էր, որ հիվանդին իր ձեռքերով է ներարկել ադրենալինը:

«Ես կարծում էի, որ ուղակի ռեակցիա էր, այսինքն, որևէ ալերգետիկ ռեակցիա, քանի որ նման դեպքերի շատ եմ հանդիպել: Սա սովորական է, համարեցի, որ տագնապալի իրավիճակ չկա», - ասվում է մարտի 25-ին հրապարակված երկրորդ ցուցմունքում:

Քննիչի այն հարցին, թե «Ի՞նչ եք արել այս ընթացքում», բժիշկը պատասխանում է.

«Ես ոչինչ չեմ արել, պարզապես հարցրել եմ, թե ինչպես է նրա վիճակը և հանձնել եմ հուսալի մարդու»:

Վիոլետա Ինասարիձեի ցուցմունքները հրապարակել է կնոջ ընտանիքի իրավաբանը և «Տվպիրվելին»:

Բժիշկը հետաքննությանը հաստատում է, որ Մեգի Բաքրաձեի բժշկական պատմությունում միտումնավոր կեղծ տեղեկություն է տվել, ադրենալինը ներարկելու մասին: Ըստ նրա, կեղծ տեղեկությունը տարածել է «վախի» պատճառով:

Քննիչ – Ներարկել ե՞ք, թե ոչ ադրենալին

Բժիշկ – Ոչ, ոչինչ չեմ արել, որովհետև անհրաժեշտ չհամարեցի, կարծես դա անաֆիլակտիկ նշաններ էր:

Քննիչ – Ադրենալինի ներարկումը Մեգի Բաքրաձեի դեպքում անհրաժեշտ չե՞ք համարում:

Բժիշկ – Ոչ, իսկապես անհրաժեշտ չէր, սովորական ռեակցիա էր:

Քննիչ – Բժշկական պատմությունում ներգրվա՞ծ էր, որ դուք եք ներարկել ադրենալինը:

Բժիշկ – Այո:

Քննիչ - Ո՞րն էր կեղծ բժշկական պատմություն ստեղծելու նպատակը, և ո՞րն էր ձեր անձնական նպատակը, երբ սխալ լրացված բժշկական պատմություն եք ստորագրել:

Բժիշկ – Երևի վախը, երևի պատասխանատվությունը, չգիտեմ:

Քննիչ- Բացի ձեզանից, ո՞վ է ստորագրել բժշկական պատմությունը:

Բժիշկ – Ես, Բեքա Լիպարտելիանին (ռեանիմատոլոգ, մեղադրյալ) և բժշկուհի
Շուբիթիձեն:

Քննիչ - Գիորգի Ափցիաուրին [ռեանիմատոլոգ] մասնակցու՞մ էր բժշկական պատմությունը ստեղծելու գործընթացին:

Բժիշկ - Այո:

Քննիչ - Երբ դուք Մեգի Բաքրաձեի բժշկական պատմության մեջ նշում եք արել, որ իբր դուք հիվանդին ներարկել եք ադրենալին, Բեքա Լիպարտելիանին, Գիորգի Ափցիաուրին և Թիկո Շուբիթիձեն գիտեի՞ն, որ իրականում ադրենալին չէիք ներարկել:

Բժիշկ – Այո, վախեցանք, անաֆիլաքսիա էր, թե ոչ, ըստ օրենքի, պետք է ներարկեի, եթե կար անաֆիլաքսիայի նշան, չե որ հետո որևէ նման վիճակ զարգացավ նրա մոտ:

Քննիչ- Այսինքն, եթե նրանք նույնպես գիտեին, որ դուք իրականում ադրենալին չեք ներարկել, ո՞րն էր նրանց նպատակը, ինչու՞ ստորագրեցին:

Բժիշկ - Վախը, ըստ արձանագրության, պետք է արվեր, եթե դա անաֆիլաքսիա էր, անմիջապես:

Քննիչ – Արդյոք գիտե՞ր Թիկո Շուբիթիձեն:

Բժիշկ – Չեմ կարծում, որովհետև ուղակի ստորագրել է:

Քննիչ - Բացի ձեր թվարկած անձանցից, ո՞վ գիտի, որ դուք նրան ադրենալին չեք ներարկել:

Բժիշկ – Թեան չգիտեր հավանաբար, ես խնդրեցի, որ ասեր թե ներարկել եմ:

Վիոլետա Ինասարիձեի երկրորդ ցուցմունքը նույնպես ցույց է տալիս, որ երբ Մեգի Բաքրաձեն վատացել է, բժիշկը լքել է կլինիկան, քանի որ ստիպված է եղել մասնակցել մարզպետարանում պատվաստումների վերաբերյալ խորհրդաժողովին:

«Բարոյապես գիտակցում եմ, որ հիվանդին լքելիս սխալ եմ գործել, բայց ուզում եմ պարզաբանել, որ անձնական գործով չեմ հեռացել: Գնացել էի կովիդ պատվաստման մասին գիտելիքներս շատացնելու համար ... իսկ իրավական առումով, ես չեմ հիշում արձանագրություն կամ որևէ այլ պաշտոնական փաստաթուղթ, որը կարգավորում է այն հարցը, թե ինչպես պետք է վարվի իմունիզացիայի գործընթացը ղեկավարող ընտանեկան բժիշկը նման պայմաններում: Բայց այս դեպքում, Բեքան (Լիպարտելիանին) այն սուբյեկտն է, ով որակավորում ունի ղեկավարելու նման հիվանդների վիճակը, հետևաբար, ես հիվանդին թողեցի նրան, բայց դուրս գալուց առաջ համոզվեցի, որ Մեգին ավելի լավ է զգում իրեն, բայց, ցավոք, , մեր հեռանալուց անմիջապես հետո, զարգացավ մեկ այլ բարդություն»:

Քննիչի այն հարցին, թե ինչու առաջին հարցազրույցի ժամանակ բժիշկը չի ասում, որ բուժքրոջ առողջության վատթարացումից հետո նա թողել է հիվանդին և գնացել վերապատրաստման, բժիշկը պատասխանում է.

«Նշեմ, որ այս հոգնածության, սթրեսի, նյարդայնության ֆոնին, մոռացա, իսկ այսօր, երբ արդեն մի փոքր գիտակցում էի հետաքննությանը տված տեղեկատվությանս կարևորությունը, անհրաժեշտ համարեցի հետաքննությունը փակուղի առջև չկանգնեցնել և ասել այս կարևոր հանգամանքի մասին»:

Ըստ բժշկի, նա խորհրդակցության է գնացել Գիորգի Ափցիաուրիի [ռեանիմատոլոգի] և Մայա Զազաձեի [բուժանձնակազմի] հետ: Նրանք խորհրդակցության էին գնացել Գիորգի Ափցիաուրիի մեքենայով.

Քննիչ - Որքա՞ն ժամանակ էր անհրաժեշտ ճանապարհի համար:

Բժիշկ – Շատ մոտ է, մոտ երկու կիլոմետր:

Քննիչ- Ովքե՞ր հանդիպեցիք մարզպետարանի շենքում:

Բժիշկ – Ես և Մաիա Զազաձեն, բայց անմիջապես հետ վերադարձանք, որովհետև անհանգստանում էի Մեգիի համար, զանգահարում էի և երբ զանգահարեցի իմ բուժքրոջը, Թեային, ասեց, որ իրավիճակը փոքր ինչ բարդացել է:

Քննիչ – Գիորգին էլ ձեզ հետ ներս մտա՞վ:

Բժիշկ- Ոչ, Գիորգիին զանգահարեց Բեքան և ասեց, որ շտապ հետ գնար, նա միանգամից հետ դարձավ:

Քննիչ – Որքա՞ն ժամանակում վերադարձաք հետ:

Բժիշկ – Շատ շուտ, 5-10 րոպեում:

Հատված Վիոլետա Ինասարիձեի առաջին ցուցմունքից

Իմունացման սենյակի բժշկի առաջին ցուցմունքը արմատապես տարբերվում է երկրորդ ցուցմունքից:

Բժիշկը մանրամասնորեն պատմում է քննիչին, թե ինչպես և երբ է նա ադրենալին ներարկել Մեգի Բաքրաձեին.

«Մեգի Բաքրաձեի դեպքում հակահիստամիններ էին օգտագործվել, բայց ոչ որպես նախնական կամ հիմնական բուժում, հիմնականը և առաջնայինը ադրենալինն էր, որը առաջինը ես ինքս ներարկեցի հիվանդին... Հիշեցնեմ, որ Մեգի Բաքրաձեի մոտ անաֆիլակտիկ շոկի սկսվելուն պես ադրենալինի 0,5 չափաբաժին ես եմ ներարկել նրան»:

«Որքանով տեղյակ եմ, պացիենտին մի քանի անգամ ներարկել են ադրենալինը, սակայն, թե քանի անգամ, ես չգիտեմ: Ես առաջին ախտանիշը տեսնելուն պես ադրենալին ներարկեցի Մեգիի մկաններում և չսպասեցի նոպայի կամ այլ ախտանիշների ի հայտ գալուն: Երբ ես ադրենալին էի ներարկում, Մեգին այդ ժամանակ կոնտակտային էր: Քանի որ սա նոր պատվաստանյութ էր, և մենք դրա մասին ոչ մի տեղեկություն չունեինք, ըստ արձանագրության, մենք հենց առաջին ախտանշանների ի հայտ գալուն պես պետք է ադրենալին պատրաստեինք, ուստի ես պահպանեցի այս սկզբունքն ու ներարկեցի այն»:

Վրաստանի դատախազությունը կորոնավիրուսի դեմ պատվաստվելուց հետո 27-ամյա բուժքույր Մեգի Բաքրաձեի մահվան հետաքննության շրջանակներում, Ապրիլի 7-ին մեղադրանք է առաջադրել Ախալցիխեի հիվանդանոցի երեք աշխատակցի՝ երկու բժշկի և մեկ բուժքրոջ դեմ: Բ.Լ.-ի, Թ.Գ.-ի և Վ.Ի.-ի հանդեպ մեղադրանքներ են առաջադրվել Վրաստանի քրեական օրենսգրքի 370-րդ հոդվածի 2-րդ մասի հատկանիշներով: Եթե մեղավորությունն ապացուցվի, նրանց սպառնում է 2-ից 6 տարի ազատազրկում:

Մեգի Բաքրաձեն մարտի 18-ին ծրագրված պատվաստումը կատարել էր Ախալցիխեի «Իմեդի» կլինիկայում: Ինչպես պնդում են բժիշկները՝ պատվաստումից 30 րոպե անց բուժքրոջ մոտ զարգացել էր ալերգիկ ռեակցիայի տեսքով կողմնակի ազդեցություն՝ անաֆիլակտիկ շոկ: Մարտի 19-ին նա մահացավ:

Մարտի 19-ին, Վրաստանի ներքին գործերի նախարարությունը անզգուշությամբ սպանության փաստի առթիվ հետաքննություն սկսեց Վրաստանի քրեական օրենսգրքի 116-րդ հոդվածի առաջին մասով:

Դատաբժշկական փորձաքննությունը դեռ չի ավարտվել: Բուժքրոջ մահվան դեպքի վերաբերյալ բժշկական կարգավորող գործակալության զեկույցը նույնպես չի հրապարակվել: Ինչպես հայտնում են գործակալությունից ՝ Մեգի Բաքրաձեի մահվան դեպքի վերաբերյալ օբյեկտիվ ճշմարտությունը պարզելու համար, բժշկական անձնակազմի հարցաքննումն ու բժշկական փաստաթղթերի ուսումնասիրությունը շարունակվում է:

Նույն թեմայով.
Սխալմունքներ և անճշտություններ պատվաստանյութից հետո մահացած բուժքրոջ մասին

Հրապարակվել է Վրաստանի Բաց հասարակության հիմնադրամների և Վրացական ռազմավարության ու զարգացման կենտրոնի (GCSD) ֆինանսական աջակցությամբ:Հեղինակի / հեղինակների կողմից տեղեկատվական նյութում հայտնված կարծիքը չի կարող արտացոլել հիմնադրամի և կենտրոնի դիրքորոշումը: Ըստ այդմ, «Բաց հասարակության հիմնադրամը» և «Վրացական ռազմավարության և զարգացման կենտրոնը» պատասխանատու չեն նյութի բովանդակության համար: