Ախալքալաքում անչափահասների միջև տեղի է ունեցել վիճաբանություն, որը ավարտվել է ծեծկռտուքով: Առճակատման ժամանակ  ծանր վիրավորվել է 17-ամյա տղան, ով ըստ էության, փորձել է կասեցնել վեճը: 

Ըստ տվյալների, անչափահասների կողմից օգտագործվել է սառը զենք՝ դանակ: 

Առճակատման արդյունքում վիրավորված 17-ամյա տղային տեղափոխել են Ախալքալաքի կլինիկա, որտեղ նրան շտապ վիրահատել են: Բժիշկները նրան ընդունելու ժամանակ առողջական վիճակը գնահատում էին ծանր: Տղային վիրահատությունից հետո տեղափոխել են Թբիլիսի: 

Հետաքննությունը սկսվել է Վրաստանի քրեական օրենսգրքի 117-րդ հոդվածի համաձայն, որը ենթադրում է առողջությանը դիտավորյալ վնաս հասցնել: 

Հանցանքը նախատեսում է երեքից վեց տարի ազատազրկում: