Թուրքիայի հյուսիսում ջրհեղեղների հետևանքով առնվազն 55 մարդ է զոհվել։ Այս մասին օգոստոսի 14-ին հայտնել է Հանրապետության արտակարգ իրավիճակների և տարերային աղետների վարչությունը (AFAD)։

«Հեղեղումների հետևանքով 46 մարդ է զոհվել Կաստամոնում, 8 մարդ՝ Սինոփում, մեկ մարդ՝ Բարտինում»,- ասված է հաղորդագրության մեջ:

Ավելի վաղ հաղորդվել էր, որ Թուրքիայի հյուսիսում գտնվող Կաստամոնու նահանգում առնվազն 44 մարդ է մահացել տարերային աղետի հետևանքով:

Նախօրեին հայտնի է դարձել, որ Կաստամոնում բնակիչների տարհանում են իրականացրել։ Շուրջ 300 բնակավայրեր մնացել են առանց էլեկտրականության, որոշ շրջաններում նկատվում են բջջային կապի խափանումներ։

Օգոստոսի 14-ին, ժամը 15-ի սահմաններում անտառային հրդեհի օջախը մարելու առաջադրանքը կատարելուց հետո, վայրէջքի պահին Թուրքիայի Ադանա բնակավայրի մերձակայքում կործանվել է ռուսական Бе–200 ինքնաթիռը»,- ասվում է հաղորդագրությունում։

Նշվում է, որ ինքնաթիռում գտնվել են 5 ռուս զինծառայողներ և Թուրքիայի 3 ներկայացուցիչներ, որոնք ուղեկցել են դեպի անտառային հրդեհների օջախները:

Դեպքի հանգամանքները պարզելու համար ավիավթարի տեղամաս է ուղևորվել ՌԴ ՊՆ հանձնաժողով:

Չինաստանի արևելյան ափին դժբախտ պատահար է տեղի ունեցել. ուժեղ ալիքի զոհ է դարձել 10 մարդ, ևս մեկը համարվում է անհետ կորած: Այս մասին հայտնում է «Սինհուա» գործակալությունը։

Աղբյուրի տվյալներով ՝ արտակարգ պատահարը տեղի է ունեցել Չժանչժոու քաղաքի (Ֆուցզյան նահանգ) շրջանում։ Բոլոր տուժածները լողափում հանգստացող մարդիկ են։

Ինչպես ճշտել է ոստիկանությունը, հզոր ալիքի հետևանքով ծովում է հայտնվել 17 մարդ, նրանցից 6-ին հաջողվել է փրկել: Փրկարարները շարունակում են անհետ կորածի որոնումները: Դեպքի մանրամասները ճշտվում են, կատարվում է քննություն:

Տեղատարափ անձրևներից առաջացած հեղեղումների պատճառով Անապայում (Կրասնոդարի երկրամաս) ավելի քան 450 մարդ է տարհանվել, այդ թվում՝ զբոսաշրջիկներ։ Այս մասին ասվում է առողջարանային քաղաքի պաշտոնական կայքում։

Իրականացվում են տարերային աղետի հետևանքների վերացման աշխատանքներ։ Որոշ տներում և հյուրանոցներում ջուրը լցվում է առաջին հարկեր։

Անապայի օդանավակայան տանող ճանապարհը հեղեղված է։ Ջրհեղեղից մասամբ ավերվել է Սիմֆերոպոլյան մայրուղու մի հատվածը, մարդիկ չեն կարողանում օդանավակայան հասնել։

Գիշերվա ընթացքում Անապայում թափվել է տեղումների եռամսյա նորման։ Տեղումները դեռևս շարունակվում են։ Երեկ երեկոյան Կրասնոդարի երկրամասի վարչակազմը, պայմանավորված եղանակային անբարենպաստ պայմաններով, 6 տարածաշրջաններում արտակագ դրության ռեժիմ է մտցրել։

Օգոստոսի 13-ին հայտարարվել էր ամառային ճամբարներից ավելի քան 900 երեխայի տարհանման մասին։ 29 հազար բնակիչ մնացել է առանց էլեկտրականության, երթևեկությունը կաթվածահար վիճակում է։