Ջավախքում, հինգ գյուղերի բնակիչներ, 2 շաբաթ շարունակ չեն կարող օգտվել Գոգաշեն-Վարձիա միացնող ճանապարհահատվածից:

«Ճանապարհ չկա, շատ ենք տանջվում գյուղի բնակիչներս, ստիպված ենք հեռվից մտնել գյուղ»,- ասում է Գոգաշենի բնակիչ՝ Գիորգի Նաթենաձեն:

Տեղական իշխանությունը երկու օր անց տեղեկացավ Գոգաշեն-Վարձիա կապող ճանապարհի անանցանելի դառնալու մասին: Քաղաքապետի ներկայացուցիչը Գոգաշենի վարչական բաժնում բացատրում է, որ հողը թափվել է 52 մ բարձրությունից և այն վերանորոգելու համար հարկավոր է առնվազն կես միլիոն լարի: Ըստ Զազա Նաթենաձեի՝ փլուզված քարերի պատճառով, մոտ 30 000 խորանարդ մետր հող է պետք մաքրել:



«Հայտարարությամբ դիմել ենք Թբիլիսի, որի արդյունքում 3 երկրաբան ուղղարկեցին: Դժվար իրավիճակ է և մեծ գումարների հետ է կապված, մոտ կես միլիոն լարի հարկավոր է: Լանջը պոկված է և փլուզված ճանապարհի վրա: Աշխատանքներ անցկացնելը շատ վտանգավոր է: Այս ճանապարհի 7 կմ հատվածը գյուղը միացնում է Վարձիայի հետ և կարճացնում է Ախալցիխե-Թբիլիսի ճանապարհը: Բնակչությունը հիմա ստիպված է շրջանցել 35 կմ հեռավորություն, Ախալքալաքից Գոգաշեն հասնելու համար: Այս ճանապարհից օգտվում էին 5 գյուղ և հարյուրավոր զբոսաշրջիկներ: Նախկինում նման դեպք տեղի չի ունեցել»,- հայտարարում է Զազա Նաթենաձեն:

Ախալքալաքի քաղաքապետարանը օգնություն խնդրել է կենտրոնական իշխանությունից: Ըստ քաղաքապետի՝ նամակով դիմել են ենթակառուցվածքային գործակալությանը և տեղեկացրել ճանապարհի վատթարային իրավիճակի մասին: Յուրի Հունանյանն ասում է, որ ճանապարհը մաքրել և վերակառուցել տեղական բյուջեից - անհնար է:



«Շատ ծանր աշխատանքներ պետք է անցկացվեն, այս իսկ պատճառով 3 օր առաջ դիմեցինք օգնության համար: Դեռ պետք է կազմեն ծրագիր, աշխատանքներն իրականացնելու ժամանակ էլ պետք է զգույշ լինենք: Դեռ ամրացման աշխատանքներ պետք է անցկացնենք, որ կրկին չփլուզվի և հետո մաքրենք ճանապարհը»,- 9-րդ ալիքին հայտարարում է Յուրի Հունանյանը:

Տարածաշրջանային զարգացման եւ ենթակառուցվածքների նախարարությունը տեղեկություն ունի, որ մաքրողական աշխատանքները կիրականացվի տեղական ինքնակառավարման մարմինների կողմից: Հետեւաբար, Ճանապարհային դեպարտամենտը ծրագիր չի կազմում գործընթացին մասնակցելու համար:

«Երևի մանրամասն տեղեկություն չեն տրամադրել: Եթե լրացուցիչ տեղեկություն ներկայացնեն եւ գնահատեն իրավիճակն այնպես, որ տեղական իշխանությունները ֆինանսական կամ այլ ռեսուրսների պատճառով չեն կարող աշխատանքներ իրականացնել,  ճանապարհների վարչությունը կներգրավվի գործընթացում»,- ասում են տարածաշրջանային զարգացման եւ ենթակառուցվածքների նախարարության հասարակության հետ կապերի գործակալությունում: