Բուզավետ և Օլավերդ գյուղերի միջև գտնվող դաշտերում հրդեհ է առաջացել: Կրակը հասել է նաև ծառերին, սակայն ինչպես նշում է գյուղի մասնագետը, դեպքի վայրում մոբիլիզացված երիտասարդները որոշ չափով կարողացել են խոչընդոտել կրակի տարածմանը:

«Կրակը մոտեցել է նաև անտառին, մի քանի ծառ այրվել է, երիտասարդները կարողացան կանխել կրակի տարածումը, բայց այն տարածվում է ամեն կողմից»,- ասում է գյուղի գլխավոր մասնագետ՝ Եսաի Ներսեսյանը:

Ախալքալաքի հրշեջ ծառայության 2 բրիգադ ներկայացել է դեպքի վայր: Օգնության համար դիմել են նաև Նինոծմինդայի հրշեջ փրկարարական ջոկատին, իսկ անհրաժեշտության դեպքում կդիմեն նաև Ախալցիխեի գործակալության օգնությանը:

Արտակարգ իրավիճակների ծառայությունում հայտնում են, որ հրդեհը լիկվիդացվել է:

«Կրակն անցել է թփուտներին և խոտերին: Հրշեջ ծառայության ջոկատը տեղում աշխատում էր մոտ 20 րոպե: Տուժվածներ չկան»,- ասում են մամլո ծառայությունում:

Տեղեկությունը տարածում է Jnews.ge