«Քաղաքացիության հարցը կարգավորում է օրենքը, եթե որևէ կոնկրետ դեպքի մասին է խոսքը, վերոնշյալի մասին քաղաքապետարան ոչ ոք չի դիմել»,- ասում է քաղաքապետարանի առաջին անձը:

Այն անձը, ով ուզում է ստանալ Վրաստանի քաղաքացիություն, պետք է հանձնի քննություն: Նրանից պահանջվում է ունենալ սահմանադրության, Վրաստանի պատմության և վրաց լեզվի ընդհանուր գիտելիքներ: 

Բացի քաղաքացիության հարցից, տեղացիները բողոքում են նաև լաբորատորիայում բժշկի պակասից: Տեղացիներն ասում են, որ բժիշկն աշխատում է ուրիշ գյուղում, դրա համար ստիպված են անձամբ հասնել բժշկի մոտ: 

«Գյուղում բժիշկ է հարկավոր: Ամբուլատորիան լավ պետք է աշխատի, պետք է գիտենանք, որ այն կա և գործում է»,- ասում է գյուղ Ջուլղայի բնակիչ՝ Միխաիլ Պանչոյանը: 

Եւս մեկ խնդիր, որը հուզում է Ջուլղայի բնակիչներին, գյուղի լուսավորության հարցն է: Այս խնդիրը լուծված է միայն գյուղի մուտքի մոտ, կենտրոնական ճանապարհահատվածում: Գյուղի մնացած մասում, լույս վառվում է միայն մարդկանց տներում: Բնակչությունը համարում է, որ տեղական իշխանությունը չպետք է դժվարանա լուծել այս խնդիրը: 

Տեղական իշխանությունը խոստանում է հաջորդ տարի լուծել լուձսի հարցը: Ըստ Զազա Մելիքիձեի, Ջուլղայում առկա ենթակառուցվածքային խնդիրներն աստիճանաբար լուծվում են: