Գիորգի Վաշաձե - առանց հստակ սահմանված ծրագրի՝ արտակարգ դրությունը անօգուտ փաստաթուղթ է

Լուրեր

16.04.2020

«Ես դեմ էի դրան, երբ առաջին անգամ հայտարարվեց արտակարգ դրություն, և ես հիմա էլ եմ դեմ դրան» , – ասաց «Նոր Վրաստան»-ի նախագահ Գիորգի Վաշաձեն:

Նա ասաց, որ արտակարգ դրությունը անօգուտ փաստաթուղթ է՝ առանց հստակ սահմանված պլանի և հստակ ռազմավարության, և ոչինչ չի նշանակում, բացի սահմանափակումների:

«Անցել է գրեթե մեկ ամիս, և ինչին հասանք: Այնտեղ ենք, որտեղ մեկ ամիս առաջ էինք: Գնացի՞նք առաջ: Ոչ, ընդհակառակը, մենք հետ գնացինք: Մենք երկրում ունենք սովի խնդիր, տնտեսությունը կանգնած է, հետևաբար, և այդ իսկ պատճառով կտրականապես դեմ եմ արտակարգ դրությանը: Նրանք այդքան պաշտոնյաներ ունեն, նախարարներ, ունեն վարչապետ, թող նստեն և գրեն», – ասաց «Նոր Վրաստան»-ի առաջնորդը:

Ըստ նրա, արտակարգ դրություն հայտարարելու համար անհրաժեշտ է հատուկ ծրագիր:

«Ուզում եմ դիմել հասարակությանը, փորձել, ժամանակ տալ Գախարիային և 《Վրացական երազանքին》, մենք արդեն ութ տարի է, ինչ սպասում ենք սովամահ, չենք կարող էլ սպասել: Եթե մենք ունենք գիտելիք, փորձ և պատասխանատվություն, ապա դա պետք է պահանջենք, քանի որ հենց դայէ ժողովրդավարական չափանիշը: Հայտարարո՞ւմ եք արտակարգ դրություն: Նախագծեք այն, ինչի համար եք հայտարարում», – ասաց Գիորգի Վաշաձեն:

Վրաստանում արդեն մեկ ամիս է կորոնավիրուսային համավարակի պատճառով հայտարարվել արտակարգ դրություն՝ մարտի 21-ից մինչև ապրիլի 21-ը:

Հեղինակ:

Սիրուշո Անտոնյան

Երկ.

Երեք.

Չոր.

Հինգ.

Ուրբ.

Շաբ.

Կիր.