Վրաստանի նախագահ Սալոմե Զուրաբիշվիլիի խոսքով, համաճարակով պայմանավորված ճգնաժամը հնարավոր է Ռուսաստանին սահմանից դուրս ագրեսիայի դրդել: Այս թեմայի շուրջ նախագահը խոսել է Financial Times-ի հետ հարցազրույցում:

«Որպես Վրաստանի նախագահ կարող եմ հույս հայտնել` այս անգամ այդպես չի լինի և հնարավոր է ճգնաժամը Ռուսաստանի ղեկավարությանը ցույց տա, որ հնարավոր է խնդիրների լուծման համար տարբեր ուղիների դիմել»,- հայտարարել է Զուրաբիշվիլին:

Նախագահի խոսքով, Ռուսաստանը նոր ռիսկեր է ստեղծել նաև բռնազավթված տարածքներում, որտեղ վարակի տարածման պայմաններում Մոսկվան պակաս թափանցիկ է գործում: Նրա խոսքով, Ռուսաստանը «անհեթեթ» սահմանափակումներ է առաջ բերել՝ Հարավային Օսիայի բռնազավթված տարածքների մեր սեփական քաղաքացիներին օգնություն ցուցաբերելու հարցում։

Ալիք Մեդիա