Խմելու ջուրը ժամկետով- հայերն ու վրացիները մշտական ջրամատակարարում են պահանջում

Լուրեր

23.07.2020

Ախալցիխեի բնակչության մի մասը խմելու ջրի խնդիր ունի: Քաղաքի մեծ մասում, օրվա ընթացքում ջուր ստանում են առավոտյան և երեկոյան, մի քանի ժամով: Տեղացիներն ասում են, որ այս ընթացքում ամբողջ օրվա համար հարկավոր ջրի պաշար չեն հասցնում հավաքել: Խմելու ջուրը փողոցներին երբեմն անգամ նշված ժամերին չեն մատակարարում: Բնակիչների խոսքով, պատճառը հին, վնասված խողովակներն ու անուշադրության մատնած ենթակառուցվածքն է:

Ասպինձայի փողոցում ջուրը գալիս է առավոտյան ժամը 7-ից մինչև 11-ը, իսկ երեկոյան 7-ից 9-ը ընկած ժամանակահատվածում: Բնակիչները պետք է հասցնեն ջուր վերցնել, բայց ինչպես ասում են, հաճախ չեն հասցնում:

««Բաքի» ջուրը մաքուր չէ, բայց ինչ անենք, այլ ընտանք չունենք: Եթե խմելու ջուրը մեկ օրվա համար նախօրոք չվերցնենք, հետո ստիպված կլինենք հարևանից ուզել»,- ասում է 88-ամյա Թեմուր Բերիձեն:

Ասպինձայի փողոցի բնակչությանն հուզող հարցերին գարնանը ևս մեկ խնդիր է ավելանում: Տեղացիներն ասում են, որ ջուրը պղտորվում է և այն օգտագործել չի լինում ոչ միայն խմելու, այլ անգամ տան գործերի համար: Տեղական իշխանությանը դիմել են մի քանի անգամ, բայց բավարարող պատասխան դեռևս չեն ստացել: Բացի սրանից, խնդիր է նաև հին խողովակները:

«Հնարավոր է ամսեկան երկու անգամ տրաքվեն խողովակները, ջուրը լցվում է և հավաքում փողոցում: Գալիս են, վերանորոգում, բայց այնքան մեծ ճնշում ունի, որ շուտ է տրաքվում: Հին խողովակներ են, փոխել է հարկավոր»,- ասում է Մերի Զեդգինիձեն: Նա 30 տարի է ապրում է Ասպինձայի փողոցում: Ասում է, որ ջրի խնդիրը տասնյակ տարիներ շարունակ առկա է, բայց խնդրին լուծում տալ չեն կարողանում:

Ջրամատակարարման ժամկետի երկարացումը բողոքի ցույցով պահանջեցին Ախալցիխեի 5 փողոցի բնակիչները: Տեղացիներն ասում էին, որ մինչ ցույց կազմակերպելը, օգնության համար դիմել են Ախալցիխեի քաղաքապետարան, սակայն ապարդյուն: Քաղաքապետարան հասած մոտ 80 ստորագրով փաստաթուղթը մինչ այժմ մնացել է անպատասխան:

Ախալցիխեի քաղաքապետարանից ասում են, որ այս հարցը չեն մեկնաբանում: Ինքնավարությունում չեն պատասխանում նաև Զազա Մելիքիձեի հասցեին հնչող մեղադրանքներին: Նրան, որ քաղաքապետը խոստացել էր 24-ժամյա ջրամատակարարում, բայց խոստումը չի կատարել: Ինքնավարությունում ասում են, որ սա նրանց նախապատվությունը չէ և հասարակությանը վերահղում են դեպի «Վրաստանի ջրամատակարարման ընկերություն»:

Սամցխե-Ջավախքի մասնաճյուղի ղեկավարն ախալցխացիների պահանջը համարում է տեղին և ասում է, որ խմելու ջուր մշտապես ստանում է քաղաքի բնակչության միայն 50%-ը: Ըստ Գիորգի Գրիգոլաշվիլիի, հին գծի վերանորոգումն արդեն ուժի մեջ է, ինչը կնվազեցնի ջրի կորուստը:

Ախալցիխեում տարիներ շարունակ պահանջում են լուծել ջրամատակարարման խնդիրը: «Վրաստանի միացյալ ջրամատակարարման ընկերության» բոլոր աշխատակիցներն ասում էին, որ այս հարցին վերջնական լուծում տալը նրանց համար առանջային էր, սակայն բնակչությանը մշտական ջրամատակարարմամբ ապահովել դեռևս ոչ ոք չի կարողացել:

Հրապարակվել է Վրաստանի Բաց հասարակության հիմնադրամների և Վրացական ռազմավարության ու զարգացման կենտրոնի (GCSD) ֆինանսական աջակցությամբ:Հեղինակի / հեղինակների կողմից տեղեկատվական նյութում հայտնված կարծիքը չի կարող արտացոլել հիմնադրամի և կենտրոնի դիրքորոշումը: Ըստ այդմ, «Բաց հասարակության հիմնադրամը» և «Վրացական ռազմավարության և զարգացման կենտրոնը» պատասխանատու չեն նյութի բովանդակության համար:

Հեղինակ:

Սիրուշո Անտոնյան

Երկ.

Երեք.

Չոր.

Հինգ.

Ուրբ.

Շաբ.

Կիր.