Նիկոլ Փաշինյան. Հրադադար էր պահանջում բանակը, քանի որ բոլոր ռեսուրսներն սպառվել էին

Լուրեր

10.11.2020

Հրադադար էր պահանջում բանակը, քանի որ բոլոր ռեսուրսներն սպառվել էին,- այս մասին հայտարարել է Հայաստանի վարչապետը՝ սոցիալական ցանցով, տեսաուղերձի ժամանակ:

Նիկոլ Փաշինյանի խոսքով, ռազմական ռեսուրսներն ամբողջությամբ արդյունավետ չէին, քանի զինվորների մի մասն առաջնագծում մեկ ամսվա ընթացքում չէին հանգստացել:

Հայաստանի կառավարության ղեկավարի հայտարարությամբ, Լեռնային Ղարաբաղում որոշ բախումները դեռևս շարունակվում են, որոնք հավանաբար, կդադարեն առաջիկայում:

Հայաստանի պաշտպանության նախարարությամբ, Լեռնային Ղարաբաղի առաջնագծում ակտիվ մարտական գործողությունները չեն դադարել:

Հայաստանի վարչապետ Նիկոլ Փաշինյանը ուշ գիշեր հայտարարեց, որ Ռուսաստանի և Ադրբեջանի նախագահների հետ ստորագրել է համաձայնագիր, որը նախատեսում է Լեռնային Ղարաբաղում մարտական գործողությունների դադարեցում: Հայաստանի վարչապետի հայտարարությանը Երևանում հետևել է բողոք: Երևանի Հանրապետության հրապարակում հավաքվել են հարյուրավոր մարդիկ: Ցուցարարների միի մասը ներխուժել է կառավարության տուն: Ցուցարարները ֆիզիկական հաշվեհարդար են տեսել Հայաստանի խորհրդարանի նախագահի հետ: Հայաստանի վարչապետը քիչ անց տարածված հայտարարության մեջ նշել է, որ այլ ելք չուներ:

Համաձայնությանը տոն է հետևել Բաքվի փողոցներում: Հայտարարությամբ է հանդես եկել նաև Ադրբեջանի նախագահ Իլհամ Ալիևը, ում խոսքով, «Ղարաբաղի հակամարտության կարգավորման գործում դրվել է վերջակետ»: Ալիևի մեկնաբանմամբ, համաձայնության կետերից մեկը Լեռնային Ղարաբաղում Ռուսաստանի և Թուրքիայի համատեղ խաղաղարար առաքելությունն է:

Արդեն հրապարակվել է նաև կնքված համաձայնագրի տեքստը: 9 կետից բաղկացած համաձայնագրի կետերից մեկը Լեռնային Ղարաբաղում մոտ 2000 ռուս խաղաղապահի տեղակայում է նախատեսում:

Հեղինակ:

Սիրուշո Անտոնյան

Երկ.

Երեք.

Չոր.

Հինգ.

Ուրբ.

Շաբ.

Կիր.