Ախալցիխեի դպրոցներում ուսումնական գործընացը վերսկսվեց

Լուրեր

01.02.2021

Փետրվարի մեկից Ախալցիխեի բոլոր դպրոցներում ուսումնական գործընթացը վրսկսվեց սովորական ռեժիմով, դասարաններում: Մինչև հունվարի 29-ը քաղաքի ուսումնական հաստատություններում դասերն ընթանում էին առցանց:

Երրորդ, հինգերորդ և վեցերորդ դպրոցներում դասընթացները կընթանան երկու կարգով: Առաջինը սկսվում է ժամը 09:00-ին, իսկ երկրոդը՝ 13:30-ին

Համակարգող խորհրդի որոշմամբ, այսօրվանից ամբողջ հանրապետության հանրակրթական հաստատություններում, ներառյալ Աջարիայի Ինքնավար Հանրապետության տարածքում գործող հանրակրթական հաստատությունները, բացառությամբ Թբիլիսիի, Քութայիսիի և Ռուսթավիի, ուսումնական գործընթացը կշարունակվի դասասենյակներում:

Ինչպես հայտարարել են կրթության, գիտության, մշակույթի և սպորտի նախարարությունում, գերատեսչությունը կատարել է առողջապահության նախարարի հրամանով սահմանված բոլոր հանձնարարականները և բոլոր դպրոցները, որտեղ վաղվանից ուսումնական գործընթացը կշարունակվի դասասենյակներում, պատրաստ են պաշտպանել սանիտարա-հիգիենիկ նորմերը:

«Ուժի մեջ են մնում 2020-2021 ուսումնական տարվա սկզբին նախարարության կողմից տրված հանձնարարականները: Մասնավորապես, դպրոցը կարող է ինքնուրույն որոշել ՝ դասի տևողությունը, դասաժամերի գործընթացը սկսելու ժամանակը ՝ ըստ մակարդակների / դասարանների, ճկունորեն ծրագրել հերթափոխերը, աշակերտների անվտանգության և դպրոցական ենթակառուցվածքի նախատեսմամբ ծրագրել խառը ուսուցման սեփական մոդելը, խառը մոդելը ծրագրավորելիս I-IV դասարանների աշակերտների համար պարտադիր սահմանել ֆիզիկապես դասասենյակներում դասերի անցկացումը, ուսումնական գործընթացը ծրագրավորելիս, հաշվի առնելով ենթակառուցվածքը, դպրոցի ծանրաբեռնվածությունից խուսափելու նպատակով, օգտագործել շաբաթ օրը:

Կարևոր է, որ դպրոցը, ուսումնական գործընթացը սկսելուն պես, ապահովի անհատական կամ խմբային աշխատանքներ այն աշակերտների հետ, ովքեր չեն կարողացել մասնակցել հեռավար ուսուցմանը: Այս ամենից բացի, հաշվի առնելով ստեղծված իրավիճակը, նախարարությունը դպրոցներին առաջարկում է նաև լրացուցիչ հնարավորություններ: Մասնավորապես, փետրվարի 1-ից նախարարությունը աշակերտների ծնողներին հնարավորություն է տալիս, ինչպես 2020-2021 ուսումնական տարվա առաջին կիսամյակում, ընտրություն կատարել հաճախման և հեռավար ուսուցման ձևի միջև: Եթե ինչ-ինչ պատճառներով աշակերտի ծնողը ցանկանում է շարունակել ուսումը հեռակա ձևաչափով, ապա նրանց կառաջարկվի հեռակա ռեժիմով ուսումը շարունակելու հնարավորություն:

Այս մոտեցումը վերաբերելու է ՝ Զուգդիդի, Թելավի, Զեստափոնի, Գարդաբանի, Փոթի, Մառնեուլի, Բաթումի, Քոբուլեթի և Գորի քաղաքներում գտնվող հանրակրթական դպրոցներին: Եթե ուսուցիչները ստիպված լինեն լրացուցիչ հեռավար դասեր անցկացնել, նախարարության որոշմամբ, նրանք կստանան համապատասխան հատուցում:

Ծնողները, ովքեր ցանկանում են, որ աշակերտը ուսումը շարունակի հեռակա ձևով, պետք է կապվեն դպրոցի տնօրինության հետ և գրանցվեն կրթության կառավարման տեղեկատվական համակարգի կողմից ստեղծված www.Online.emis.ge կայքում:

Ինչ վերաբերում է ուսուցիչների թեստավորմանը, ապա բոլոր այն դպրոցներում, որտեղ ուսումնական գործընթացը կշարունակվի դասասենյակներում, տեղի կունենա ուսուցիչների և դպրոցի անձնակազմի առնվազն 20 տոկոսի փորձարկումը երկու շաբաթը մեկ անգամ, հիմնվելով առողջապահության նախարարության հետ մշակված արձանագրությանը: Պարտադիր թեստավորում ապահովելու համար դպրոցի բոլոր աշխատակիցները պետք է գրանցվեն հղումով `labour.moh.gov.ge, որը կազմակերպելու են հենց դպրոցները: Այս գործընթացն արդեն սկսվել է»,- ասված է կրթության, գիտության, մշակույթի և սպորտի նախարարության հայտարարության մեջ:

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.