Վրաստանի Ազգային բանկը օգտատերերին զգուշացնում է ինտերնետ-տարածքում «ֆիշինգի» նշաններ պարունակող ֆինանսական առաջարկների մասին:

«Վերջերս համացանցային տարածքում հաճախակի են դարձել օգտատերերի համար թվացյալ բարենպաստ ֆինանսական առաջարկները, որոնք իրականում պարունակում են «ֆիշինգի» նշաններ: Ավելի կոնկրետ՝ տարածվում են այնպիսի գովազդային առաջարկներ, որոնց ինտերնետային հղումները նման են իրական կայքերի հասցեներին։ Գրավիչ առաջարկ ստանալու համար օգտատերը այցելում է նշված էջը և լրացնում պահանջվող տեղեկատվությունը։ Փաստորեն, նա կիսվում է անձնական, բանկային և/կամ այլ ուշագրավ տեղեկություններով կայքի սեփականատիրոջ հետ: Դրանց թվում կան նաև դեպքեր, երբ օգտատերերին առաջարկվում է էժան լիցքավորել բջջային հեռախոսի հաշիվը, օրինակ՝ տարբեր փաթեթների դեպքում և այլն։

Ազգային բանկը ևս մեկ անգամ հորդորում է օգտատերերին հատուկ ուշադրություն դարձնել իրենց անձնական և բանկային տվյալները նմանատիպ կայքեր ուղարկելիս, նախ և առաջ ստուգել և ուշադիր հետևել այն կայքի հասցեն, որտեղ մուտքագրվել է տեղեկատվությունը, փնտրել նշված ընկերության հավաստիության և գործունեության վերաբերյալ տվյալներ:

Հավելյալ հարցերի դեպքում խնդրում ենք կապվել մեզ հետ Վրաստանի Ազգային բանկի թեժ գծով՝ 2 406 406:

Ֆինանսական անվտանգության ավերաբերյալ տեղեկատվությունը կարելի է գտնել ֆինանսական կրթության կայքում»,- ասված է Ազգային բանկի հաղորդագրության մեջ։