Հյուսիսային Օսիայի իշխանություններն արգելել են հանրապետություն մուտք գործել Ռուսաստանի այլ շրջաններում գրանցված համարանիշներով մեքենաների։

Բանաձեւի համաձայն՝ սահմանափակումը չի տարածվում Վրաստանում եւ դե ֆակտո Հարավային Օսիայում գրանցված տրանսպորտային միջոցների վրա։ Վերոնշյալ հրամանագիրը նախատեսում է նաև սննդի, ջեռուցման և հանգստի կետերի կազմակերպում Վրաստանի սահմանի մոտ՝ զանգվածային հավաքների վայրերում։

Ֆինլանդիայի կառավարությունը սեպտեմբերի 29-ին որոշում Է ընդունել Ռուսաստանի հետ նոր սահմանային ռեժիմի վերաբերյալ: Այդ մասին, հաղորդել են ֆիննական ԶԼՄ-ները:

Սահմանափակումների համաձայն՝ սեպտեմբերի 30-ի կեսգիշերից ուժի մեջ կմտնի Ռուսաստանի Դաշնությունից զբոսաշրջիկների կողմից Ֆինլանդիայի սահմանը հատելու արգելքը։

«Որոշումը չի ազդում մարդասիրական նկատառումներով երկիր մուտք գործող քաղաքացիների վրա»,- ասել է Հաավիստոն։

Բացառություն կկատարվի այն ռուսաստանցիների համար, որոնք Ֆինլանդիա են մեկնում, օրինակ՝ ընտանեկան հարցերով, ուսման, աշխատանքի կամ բուժման համար։

Նախարարը պնդել է, որ որոշումն ընդունվել է՝ հաշվի առնելով «Ֆինլանդիայի միջազգային հարաբերություններին սպառնացող վտանգը»։ Հելսինկիին նման միջոցներ ձեռնարկելու է դրդել անցյալ շաբաթ երկիր մուտք գործող ՌԴ քաղաքացիների թվի աճը։

Սեպտեմբերի 19-ից Էստոնիան, Լատվիան, Լիտվան եւ Լեհաստանը փակել են սահմանները ռուսաստանցի զբոսաշրջիկների համար:

Մոսկվայում Իտալիայի դեսպանատունը խորհուրդ է տվել իր այն հայրենակիցներին, որոնց երկրում մնալը պարտադիր չէ, լքել Ռուսաստանը։

«Միջազգային ասպարեզում տեղի ունեցող վերջին իրադարձությունների և Ռուսաստանի հետ օդային և ճանապարհային հաղորդակցության մեջ աճող դժվարությունների պատճառով Ռուսաստանի Դաշնությունում գտնվող հայրենակիցներին խորհուրդ է տրվում մտածել իրենց գտնվելու անհրաժեշտության մասին և եթե դրա խիստ անհարժեշտույթունը չկա, հեռանալ երկրից,ասվում է սեպտեմբերի 29-ին դիվանագիտական ​​առաքելության կայքում հրապարակված հայտարարությունում։

Հիշեցնենք, սեպտեմբերի 27-ին Մոսկվայում ԱՄՆ դեսպանատունը հորդորեց իր համաքաղաքացիներին չմեկնել Ռուսաստանի Դաշնություն, իսկ այնտեղ բնակվողներին կամ Ռուսաստանում գտնվողներին անհապաղ հեռանալ «քանի դեռ կան տարբերակներ»։

Նշվեց, որ այժմ կոմերցիոն թռիչքները սահմանափակ են և հաճախ անհասանելի են կարճ ժամանակում:

Միաժամանակ բրիտանական իշխանությունները նաև կոչ են արել Ռուսաստանում գտնվող իրենց երկրի քաղաքացիներին անհապաղ լքել և վերադառնալ տուն՝ մոբիլիզացիայի ենթադրյալ վտանգի պատճառով։

Ռուսաստանյան պաշտոնական աղբյուրները դեռ չեն հաղորդում, թե այս օրերին քանիսն են երկրից հեռացել, սակայն սահմանակից երկրների իշխանությունները նշում են, որ արտագաղթի ալիքը զգալիորեն մեծացել է:

Հատկապես լարված է իրավիճակը ռուս-վրացական սահմանին։