500 լարի տուգանք, սառը զենք կրելու համար՝ նոր պատժամիջոց

Լուրեր

14.12.2022

Խորհրդարանը կողմ է սառը զենք կրելու հետ կապված պատժամիջոցների խստացումը։

«Վարչական իրավախախտումների վերաբերյալ օրենսգրքում», ինչպես նաև քրեական օրենսդրությունում նախատեսվող փոփոխությունները հաստատվեցին երրորդ ընթերցմամբ։

Ընդունված օրենքի նախագծի համաձայն՝ սառը զենք կրելը փողոցում, բակում, մարզադաշտում, հրապարակում, այգում, ուսումնական հաստատությունում, դատարանում, օդանավակայանում, կինոթատրոնում, թատրոնում, համերգասրահում, սրճարանում, ռեստորանում, բոլոր տեսակի հասարակական տրանսպորտում, ավտոկայանում, երկաթուղում, կայարանում և հանրային հավաքների այլ վայրերում 200 լարի տուգանքի փոխարեն կհանգեցնի 500 լարի տուգանքի և սառը զենքի առգրավման։

Նախագծի համաձայն՝ տուգանքից հետո կրկնակի օրինախախտումը կհանգեցնի անձի քրեական պատասխանատվության՝ վարչական պատասխանատվության փոխարեն։

Ինչպես նախագծի խորհրդարանական քննարկումների ժամանակ ասաց ՆԳ փոխնախարար Ալեքսանդր Դարախվելիձեն, պրակտիկան ցույց է տվել, որ գործող նորմը թերություն ունի, արդյունավետ չէ, ուստի անհրաժեշտ էր օրենսգրքում փոփոխություններ պատրաստել։

«Ըստ 2022 թվականի հունվար-սեպտեմբերի վիճակագրական տվյալների՝ արձանագրվել է սպանության և սպանության փորձի 147 դեպք, դիտավորյալ առողջությանը վնաս պատճառելու՝ 166 և ոչ ծանր վնասվածքի 130 դեպք։ Եթե այս բոլոր հանցագործությունները գումարենք, ապա 35 տոկոս դեպքերում դանակը օգտագործվել է որպես զենք, և դրանց թվում ամենակարևորն այն է, որ սպանությունների 53 տոկոսը կատարվել է դանակով։ Ուստի մենք տեսնում ենք, որ գործող կարգավորումը կանխարգելիչ ազդեցություն չունի այլ ծանր հանցագործություններից խուսափելու համար»,- խորհրդարանում ասել է Ալեքսանդր Դարախվելիձեն։