«Զննումների արժեքը այլևս չի համապատասխանում առկա մարտահրավերներին, անհրաժեշտ է վերանայել», - այս մասին հայտարարել է Վրաստանի ավտոմեքենաների տեխզննման կենտրոնների ասոցիացիայի նախագահ Դավիթ Մեսխիշվիլին:

Նրա խոսքով, ապագայում ճիշտ կլինի, եթե ավտոտրանսպորտային միջոցների տեխնիկական զննման արժեքը սահմանվի ըստ կատեգորիաների, օրինակ՝ կցասայլերի, ավտոբուսների և այլնի համար կլինի տարբեր:

«Զննումների արժեքը մեզ մոտ 60 և 100 լարի է: Կրկին դժվար է միջազգային փորձում գտնել այդպիսի երկակի բաժանում, քանի որ անհրաժեշտ աշխատանքների տեսակը, ծավալը և այլն տարբեր են, իսկ կցասայլերին, ավտոբուսներին և այլնի համար տարբեր զննում է անհրաժեշտ։ Ես կարծում եմ, որ ապագայում ավտոտրանսպորտային միջոցների տեխնիկական զննումների համար ըստ կատեգորիաների արժեքի սահմանումը ճիշտ կլինի», - նշել է Մեսխիշվիլին:

Նա նաև նշեց, որ տեխզննում իրականացնող կենտրոնները ցանկանում են բարձրացնել ծառայությունների գինը, քանի որ ավտոմեքենաների հետ կապված բոլոր ծառայությունները թանկացել են:

«Տեխնիկական զննման կենտրոնները ցանկանում են բարձրացնել գները, քանի որ ավտոմեքենաների հետ կապված բոլոր ծառայությունները թանկացել են, նույնիսկ ավտոտեխնիկական սպասարկումը, պահեստամասերը և այլն։ Քննարկում է տեղի ունենում, սակայն այս պահին որևէ կոնկրետ որոշում դեռ չի կայացվել», - ասաց Դավիթ Մեսխիշվիլին:

Հիշեցնենք, որ մի քանի ամիս է, ինչ քննարկվում է տեխնիկական զննման արժեքի հնարավոր բարձրացման հարցը։ Մասնագետների խոսքով, վերջին 5 տարում գների վերանայում չի եղել, ինչը կարող է հանգեցնել կենտրոնների գոյատևման դժվարություններին։