Դեկտեմբերի 1-ից Վրաստանի ազգային այգիներում աշխատանքային ժամերը փոխվում են։ Այս մասին տեղեկացնում է Պահպանվող տարածքների գործակալությունը։

Մասնավորապես, փոփոխություններն ուժի մեջ են մտնում հետևյալ կերպ․

Պրոմեթևսի քարանձավում, Սաթափլիայում, Նավենախևիի քարանձավում և Օկացեի կիրճում աշխատանքային ժամերը սահմանվել են ժամը 10:00-ից մինչև 17:00։

Ինչ վերաբերում է Մարտվիլիի կիրճին, այնտեղ մուտքը հնարավոր կլինի ժամը 10:00-ից մինչև 19:00, իսկ Օկացեի ջրվեժի մոտ՝ ժամը 10:00-ից մինչև 18:00։

Հավելենք, որ բոլոր այս վայրերը ծառայություններ կմատուցեն այցելուներին ամբողջ շաբաթվա ընթացքում։