ბესიკ ბექაურმა “ნაციონალური მოძრაობის” ასპინძის ორგანიზაციის თავმჯდომარის თანამდებობა დატოვა

პოლიტიკა

10.01.2017

ბესიკ ბექაურმა "ერთიანი ნაციონალური მოძრაობის" ასპინძის რაიონული ორგანიზაციის თავმჯდომარის თანამდებობა დატოვა. ამის შესახებ, ბექაური განცხადებს სოციალურ ქსელში ავრცელებს.

ბესიკ ბექაურის თქმით, ეს გადაწყვეტილება პარტიაში არსებულმა გაურკვევლობამ და დაპირისპირებებმა მიაღებინა. თანამდებობა მან პროტესტის ნიშნად დატოვა.

"ამ ბოლო დროს პარტიის შიგნით არსებულმა სრულმა მარაზმმა, დაპირისპირებამ, ერთმანეთის ლანძღვა გინებამ და "ერთიანი ნაციონალური მოძრაობის" ყველა წევრის ამ პროცესში ჩართვის და ზოგადად პარტიული საზოგადოების დაპირისპირების მცდელობამ, მიმაღებინა გადაწყვეტილება, რომ პროტესტის ნიშნად დამეტოვა "ერთიანი ნაციონალური მოძრაობის" ასპინძის რაიონული ორგანიზაციის თავმჯდომარის თანამდებობა, რაზეც უკვე მივმართე პარტიის აღმასრულებელ მდივანს.

ჩემის აზრით, ეს ყველაფერი ანგრევს პარტიულ ერთიანობას და აზიანებს "ერთიანი ნაციონალური მოძრაობის" ძირითად ფუნდამენტს – "ერთიანობას". მიმაჩნია, რომ ეს ბრძოლა არ არის ბრძოლა გამარჯვებისთვის, რომელიც ყოველთვის ახასიათებდა ამ მოძრაობას. ვთვლი, რომ ერთიანობისა და კომპრომისების გარეშე, არაფერი გამოგვივა და ამით ქვეყანასაც დავაზიანებთ. მე უარს ვამბობ ამ სამარცხვინო ბრძოლაში მონაწილეობაზე და ყველას მოვუწოდებ ერთიანობისკენ" – აცხადებს ბესიკ ბექაური.

რჩება თუ არა ასპინძის რაიონული ორგანიზაციის უკვე ყოფილი თავმჯდომარე "ნაციონალური მოძრაობის" შემადგენლობაში უცნობია. ბესიკ ბექაური "მეცხრე არხთან" აცხადებს, რომ ამასთან დაკავშირებით ჯერჯერობით გადაწყვეტილება არ მიუღია.

ბექაური ორგანიზაციას 2014 წლის 26 თებერვლიდან ხელმძღვანელობდა.

Հեղինակ:

Երկ.

Երեք.

Չոր.

Հինգ.

Ուրբ.

Շաբ.

Կիր.