ერთ თვეში სახელმწიფო საგარეო ვალი 138.4 მლნ დოლარით გაიზარდა

ეკონომიკა

14.04.2025

2025 წლის მარტის მდგომარეობით საქართველოს სახელმწიფო საგარეო ვალი 8.716 მლრდ დოლარს (დღევანდელი კურსით თითქმის 24.120 მლრდ ლარს) შეადგენს. ეს კი 138.47 მლნ დოლარით მეტია წინა თვესთან შედარებით.

უფრო კონკრეტულად, საქართველოს ფინანსთა სამინისტროს მიერ გამოქვეყნებული მონაცემების მიხედვით, 2025 წლის თებერვლის მდგომარეობით სახელმწიფო ვალის მოცულობა 8.577 მლრდ დოლარს შეადგენდა.

ამასთან, ფინანსთა სამინისტროს მონაცემებით, მარტის მდგომარეობით უშუალოდ მთავრობის საგარეო ვალი 8.358 მლრდ დოლარი იყო, აქედან მრავალმხრივი კრედიტორების დავალიანება 6.337 მლრდ დოლარია, ორმხრივი კრედიტორების კი 1.520 მლრდ დოლარი. აღსანიშნავია, რომ საანგარიშო პერიოდში საქართველოს ეროვნული ბანკის საგარეო ვალდებულება 358 მლნ დოლარს შეადგენდა.

ამასთან, 2025 წლის მარტის მონაცემებით, საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB), ევროპის საინვესტიციო ბანკი (EIB) და განვითარების საერთაშორისო ბანკი (IBRD).

მსხვილი კრედიტორები 2025 წლის 31 მარტის მდგომარეობით:

აზიის განვითარების ბანკი (ADB) – 2.292 მლრდ დოლარი
მსოფლიო ბანკი, რეკონსტრუქციისა და განვითარების საერთაშორისო ბანკი (IBRD) – 1.669 მლრდ დოლარი
ევროპის საინვესტიციო ბანკი (EIB) – 1.111 მლრდ დოლარი
მსოფლიო ბანკი, განვითარების საერთაშორისო ასოციაცია (IDA) – 456.8 მლნ დოლარი
საერთაშორისო სავალუტო ფონდი (IMF) - 179 მლნ დოლარი

რაც შეეხება ორმხრივ კრედიტორებს, ანუ ქვეყნებს, 2025 წლის 31 მარტის მდგომარეობით, ასე გამოიყურება:

საფრანგეთი - 783.587 მლნ დოლარი
გერმანია - 582.674 მლნ დოლარი
იაპონია - 121.792 მლნ დოლარი
ავსტრია - 10.721 მლნ დოლარი
ქუვეითი - 8.5537 მლნ დოლარი
აშშ - 5.902 მლნ დოლარი

ამასთან, საქართველოს რუსეთის 3.997 მლნ დოლარის ვალი აქვს; 1.139 მლნ დოლარის - თურქეთის, 636 ათასი დოლარის ყაზახეთის და ა.შ.

თეგები: კრედიტორები / საგარეო ვალი /

Հեղինակ:

Tv9news

Երկ.

Երեք.

Չոր.

Հինգ.

Ուրբ.

Շաբ.

Կիր.