რა იცვლება 1-ლი მაისიდან ქვეყანაში

საზოგადოება

01.05.2025

1-ლი მაისიდან საქართველოში რამდენიმე ცვლილება ამოქმედდება, რომელიც შეეხება ერთის მხრივ დამსაქმებლებს და მეორეს მხრივ დასაქმებულებს. ასევე ცვლილებები იქნება სესხის რეფინანსირების ნაწილშიც.

რა იცვლება 1-ლი მაისიდან

ცვლილებები სესხის რეფინანსირების პროცესში

„ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში“ ცვლილებები შედის. ეროვნული ბანკის მონაცემებით, ამ წესების დაცვა, ფინანსურ ორგანიზაციებს მიმდინარე წლის 1-ლი მაისიდან მოუწევთ.

ცვლილებების მიხედვით, ფიზიკური პირებისა და ორ მილიონ ლარამდე მოცულობის ჯამური ვალდებულებების მქონე იურიდიული პირებისთვის სესხის/კრედიტის სხვა ფინანსური ორგანიზაციიდან სრული ან ნაწილობრივი რეფინანსირების შემთხვევაში წინსწრების საკომისიოს მაქსიმალური ოდენობა ნაცვლად დღეს არსებული 2%-ისა 0.5%-მდე მცირდება.

სებ-ის შეფასებით, ცვლილებების შედეგად შემცირდება ვალდებულების ერთი ფინანსური ორგანიზაციიდან მეორეში გადატანის ხარჯი, რაც ხელს შეუწყობს ფინანსურ ორგანიზაციებს შორის კონკურენციის გაძლიერებასა და მომხმარებლებისთვის მეტად ხელსაყრელი პირობების შეთავაზებას.

ცვლილებები „დაგროვებითი პენსიის შესახებ“ კანონში

2025 წლის 1-ლი მაისიდან წარმოშობილ განაცემზე საპენსიო შენატანების განხორციელებას დამსაქმებელი შეძლებს მხოლოდ შემოსავლების სამსახურის საშემოსავლო დეკლარაციის მეშვეობით.

ამასთან, 2025 წლის 1-ლი მაისიდან საპენსიო სქემაში, ნებაყოფლობით ან/და ხელახლა გაწევრებისთვის დასაქმებულმა/თვითდასაქმებულმა, დამსაქმებლის ნაცვლად, უნდა მიმართოს საქართველოს საპენსიო ფონდს ან იუსტიციის სახლის ნებისმიერ ფილიალს.

გარდა ამისა, 1-ლი მაისიდან დამსაქმებლებს საპენსიო შენატანის ვალდებულების დარღვევაზე ფულადი სანქციები დაეკისრებათ.

კერძოდ, საპენსიო ფონდი უფლებამოსილია დამსაქმებლის მიერ საპენსიო შენატანის ვალდებულების არაჯეროვანი შესრულების ან/და საპენსიო შენატანის ზედმეტად განხორციელების ფაქტის გამოვლენის მიზნით, განახორციელოს დამსაქმებლ(ებ)ის გეგმური და არაგეგმური მონიტორინგი.

საპენსიო სააგენტო განმარტავს, მიმდინარე წლის 1-ლი მაისიდან დამსაქმებლის მიერ საპენსიო შენატანის განხორციელების ვალდებულების დარღვევა გამოიწვევს დაჯარიმებას 500 ლარის ოდენობით; იგივე ქმედება ჩადენილი განმეორებით, გამოიწვევს დამსაქმებლის დაჯარიმებას 1000 ლარით.

საერთაშორისო საავტომობილო სატვირთო გადაზიდვის ნებართვის აღება სავალდებულო ხდება

2025 წლის 1-ლი მაისიდან საერთაშორისო საავტომობილო სატვირთო გადაზიდვის ნებართვის აღება სავალდებულო ხდება, ნებისმიერი სახის საერთაშორისო საავტომობილო სატვირთო გადაზიდვის განხორციელებისთვის. ამის შესახებ ინფორმაციას სახმელეთო ტრანსპორტის სააგენტო ავრცელებს.

მათივე ცნობით, ნებართვა გაიცემა 3 წლის ვადით, რაც ხელს შეუწყობს ევროკავშირთან ასოცირების ხელშეკრულებით ნაკისრი ვალდებულების შესრულებას და საერთაშორისო საავტომობილო სატვირთო გადაზიდვის პროცესის განვითარებას.

სააგენტოს ცნობითვე, აღნიშნული ნებართვის მიღება შესაძლებელია იუსტიციის სახლებში.

ოკუპირებულ აფხაზეთსა და რუსეთს შორის რეგულარული ფრენები 1-ელი მაისიდან დაიწყება

ოკუპირებულ აფხაზეთსა და რუსეთს შორის რეგულარული ფრენები 1-ელი მაისიდან დაიწყება. ამის შესახებ რუსეთის პრეზიდენტის ადმინისტრაციის უფროსის მოადგილე სერგეი კირიენკო აცხადებდა.

მისი ცნობით, 1-ლი მაისიდან სოხუმის აეროპორტში სრულფასოვანი ავიამიმოსვლა ამოქმედდება.

ცნობისთვის, მოსკოვიდან ოკუპირებული სოხუმის აეროპორტში საცდელი რეისი ავიაკომპანია ЮВТ Аэро-ის მიერ 7 თებერვალს განხორციელდა.

თეგები: ცვლილებები /

Հեղինակ:

Tv9news

Երկ.

Երեք.

Չոր.

Հինգ.

Ուրբ.

Շաբ.

Կիր.