“იდეების კონკურსი” დამწყები სოციალური მეწარმეებისთვის

საზოგადოება

13.02.2017

დამწყები სოციალური მეწარმეებისთვის, ახალციხის ზრდასრულთა განათლების ცენტრში საინფორმაციო ხასიათის შეხვედრა გაიმართა. განათლების განვითარებისა და დასაქმების ცენტრის წარმომადგენლებმა "იდეების კონკურსის" შესახებ აუდიტორიას ინფორმაცია მიაწოდეს.

კონკურსი 23 იანვარს გამოცხადდა, რომელიც ახალი სოციალური საწარმოს შექმნის იდეის დაფინანსებას ითვალისწინებს. მსურველებმა სააპლიკაციო ფორმა უნდა შეავსონ და შესაბამის ელექტრონულ მისამართზე გადააგზავნონ. კონკურსის პირველ ეტაპზე გადასულები გადამზადდებიან, შეისწავლიან ყველა იმ ტექნიკას, რომელიც ახალი სოციალური საწარმოს დაარსებისთვისაა საჭირო. ამის შემდეგ ისინი ბიზნეს იდეებს წარადგენენ, რომელთაგან საუკეთესო ინიციატივა 8 000 დოლარით დაფინანსდება.

"სოციალური მეწარმეობა, ინოვაციური მიდგომა, სოციალური და ეკონომიკური ცვლილებებისთვის", სამწლიანი პროექტია, რომელსაც ევროკავშირი საქართველოსთვის აფინანსებს. პროექტი სტრატეგიული კვლევებისა და განვითარების ცენტრის მიერ ხორციელდება.

დასავლეთ საქართველოში პროექტს განათლების განვითარებისა და დასაქმების ცენტრი ხელმძღვანელობს. პროექტის ფარგლები პარტნიორობას მიკროსაფინანსო ორგანიზაცია "კრისტალი" უწევს.

Հեղինակ:

Երկ.

Երեք.

Չոր.

Հինգ.

Ուրբ.

Շաբ.

Կիր.