გადამფრენ ფრინველებზე ნადირობისას აუცილებელია იცოდეთ: ნადირობისათვის საჭირო დოკუმენტები
გადამფრენ ფრინველებზე ნადირობის მსურველებმა ნადირობისას თან უნდა იქონიონ გარემოდან გადამფრენი ფრინველების ამოღებაზე დაწესებული მოსაკრებლის (10 ლარი) გადახდის დამადასტურებელი ქვითარი (დედანი) და საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტი.
სახეობები, რომლებზეც ნადირობა ნებადართულია სამონადირეო მეურნეობების გარეთ
წყალმცურავი ფრინველები, რომლებზეც ნადირობა, 10 სექტემბრიდან  31 დეკემბრის ჩათვლით და დღიური ლიმიტებით, ნებადართულია მხოლოდ ახალქალაქის, ნინოწმინდის, წალკის და დმანისის მუნიციპალიტეტების ტერიტორიებზე

1. რუხი ბატი –3 ცალი
2. რუხი იხვი – 2 ცალი
3. ჭიკვარა (სტვენია იხვი) –3 ცალი
4. გარეული იხვი –5 ცალი
5. იხვინჯა (ჭახჭახა იხვი) – 2 ცალი
6. ფართოცხვირა (განიერნისკარტა) იხვი – 2 ცალი
7. მელოტა –5 ცალი
8. კუდსადგისა (ბოლოსადგისა) იხვი – 2 ცალი
9. თეთრშუბლა იხვი – 3 ცალი
10. დიდი თეთრშუბლა ბატი – 3 ცალი
11. წითელთავა ყვინთია – 2 ცალი
12. ქოჩორა ყვინთია – 3 ცალი

წყალმცურავი ფრინველები, რომლებზეც ნადირობა, 2017 წლის 1–ლი ნოემბრიდან 2018 წლის პირველ მარტამდე და დღიური ლიმიტებით ნებადართულია საქართველოს ტერიტორიაზე, გარდა ახალქალაქის, ნინოწმინდის, წალკის და დმანისის მუნიციპალიტეტების ტერიტორიებისა:

1. რუხი ბატი – 5 ცალი
2 რუხი იხვი – 3 ცალი
3. ჭიკვარა (სტვენია იხვი) – 5 ცალი
4. გარეული იხვი – 6 ცალი
5. იხვინჯა (ჭახჭახა იხვი) – 3 ცალი
6. ფართოცხვირა (განიერნისკარტა) იხვი – 3 ცალი
7. მელოტა – 6 ცალი
8. კუდსადგისა (ბოლოსადგისა) იხვი –3 ცალი
9. თეთრშუბლა იხვი – 6 ცალი
10. დიდი თეთრშუბლა ბატი – 5 ცალი
11. წითელთავა ყვინთია – 3 ცალი
12. ქოჩორა ყვინთია – 5 ცალი

სხვა ფრინველები, რომლებზეც ნადირობა ნებადართულია 19 აგვისტოდან 2018 წლის 15 თებერვლამდე:

1. ჩიბუხა – აგვისტოს მესამე შაბათიდან – 15 თებერვლამდე –5 ცალი
2. მწყერი – აგვისტოს მესამე შაბათიდან – 15 თებერვლამდე – 20 ცალი
3. ქედანი –აგვისტოს მესამე შაბათიდან – 15 თებერვლამდე – 10 ცალი
4. გარეული მტრედი – აგვისტოს მესამე შაბათიდან – 15 თებერვლამდე –10 ცალი
5. გულიო (გვიძინი) –აგვისტოს მესამე შაბათიდან – 15 თებერვლამდე –10 ცალი
6. ჩვეულებრივი გვრიტი –აგვისტოს მესამე შაბათიდან – 15 თებერვლამდე –10 ცალი
7. ღალღა –აგვისტოს მესამე შაბათიდან – 15 თებერვლამდე –5 ცალი
8. ჩიბუხელა (გარშნეპი) –აგვისტოს მესამე შაბათიდან – 15 თებერვლამდე –5 ცალი
9.  ტყის ქათამი – 15 ოქტომბრიდან პირველ მარტამდე –5 ცალი

ნადირობა აკრძალულია:
სახელმწიფო ნაკრძალებში, ეროვნულ პარკებსა და მათ გარშემო 500-მეტრიან ზონაში, ასევე საქართველოს ქალაქების ადმინისტრაციულ საზღვრებში.

ნადირობის აკრძალული მეთოდები:
მცენარეული საფარის დაწვა;
გარეულ ფრინველთა კვერცხის შეგროვება და გაყიდვა;
ცხოველთა ბუდეების, ბუნაგების, საცხოვრებელი ადგილების მოშლა ან განადგურება;
ცხოველთა მასობრივი მოპოვების საშუალებებით – ყოველგვარი კუსტარული ან ქარხნული წესით დამზადებული ბადეებით, ხაფანგებით, მარყუჟებით, აგრეთვე ორმოებით, სარეგვავებით (სარეჯგველებით), ხმოვანი სიგნალების გამომცემი ელექტრონული (მათ შორის, ავტონომიურ კვების წყაროზე მომუშავე) მოწყობილობების მეშვეობით ფრინველის მოზიდვა, საწამლავით, სანადირო იარაღზე დამონტაჟებული რეფლექტორებით, ასაფეთქებელი საშუალებების გამოყენებით, თოფებისა და სხვა თვითმსროლელი იარაღების დაგუშაგება;

ნადირობა და/ან ცხოველთა მოპოვება (დაჭერა) თვითმფრინავიდან, ვერტმფრენიდან, ავტომობილიდან, მოტოციკლეტიდან, კატარღებიდან, ძრავიანი ნავებიდან და სხვა მოტორიანი სატრანსპორტო საშუალებებიდან, მათ შორის, ღამით განათებული ფარებისა და პროჟექტორების მეშვეობით, ცხოველთა დევნა სატრანსპორტო საშუალებებით, წყალმცურავ ფრინველებზე ნადირობა ძრავაგამოურთველი მოტორიანი ნავებიდან და კატერებიდან (მოპოვება დევნით), ასევე ნადირობა ღამის ცეცხლის დანთებით;
სტიქიური უბედურებების (წყალდიდობა, ხანძარი, დიდი თოვლი და სხვა) დროს დაუძლურებული ცხოველების მოპოვება, აგრეთვე მათზე ნადირობა წყალში გადასვლისას ან სხვა დაბრკოლებების გადალახვისას, მათ შორის, სტიქიური უბედურებისაგან თავის დაღწევის დროს.

ნადირობისას ასევე გასათვალისწინებელია შემდეგი:
პირის საკუთრებაში (მფლობელობაში) არსებულ მიწის ნაკვეთზე გადამფრენ ფრინველებზე ნადირობა დასაშვებია მხოლოდ მესაკუთრესა და ნადირობის განმახორციელებელ პირს (ამ შემთხვევაში პირი, რომელსაც გააჩნია „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით გათვალისწინებული გარემოდან გადამფრენი ფრინველების ამოღებაზე დაწესებული მოსაკრებლის გადახდის დამადასტურებელი ქვითარი (დედანი) და საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტი.) შორის შეთანხმების შემთხვევაში, მესაკუთრის (მფლობელის) აუცილებელი თანხმობის პირობით.

ინფორმაციას საქართველოს გარემოსა და ბუნებრივი რესურსების დაცვის სამინისტრო ავრცელებს.