დღეს ბორჯომში, ქალაქის დღესასწაულს ზეიმობენ. ამასთან დაკავშირებით, კურორტზე,
დილიდან კოსტავას სახელობის ბაღში და ცენტრალურ პარკში სხვადასხვა
კულტურული და სპორტული ღონისძიებებია დაგეგმილი. მოეწყობა სოფლის კუთხეების
ფანჩატურები, სადაც სტუმრებს ქართული ტრადიციული კერძების დაგემოვნების საშუალება ექნებათ,
ასევე გაიმართება ხალხური რეწვის ოსტატებისა და ადგილობრივ ხელოვანთა ნამუშევრების გამოფენა–გაყიდვა.
დღის განმავლობაში დააჯილდოვებენ საპატიო მოქალაქეებს. დღესასწაული გალა კონცერტით და ფოიერვერკით დასრულდება.

მერაბ კოსტავას სახელობის ბაღში საზეიმო ღონისძიებები დღის 12 საათიდან დაიწყება. სპორტული ღონისძიებები,
ფოლკლორული კონცერტი, ხრიდოლისა და ბერიკაობის წარმოდგენები, ფოტო-სესია და
ბავშვებისთვის კვების ქალაქი. ,,ბორჯომობა" გალა-კონცერტითა და ფოიერვერკით დასრულდება.

სახალხო დღესასწაულ „ბორჯომობა 2017“-თან დაკავშირებით, 12 აგვისტოს, მუნიციპალური
ტრანსპორტი ქალაქისა და სოფლების მოსახლეობას უფასოდ
მოემსახურება, - ამის შესახებ ინფორმაციას ბორჯომის მუნიციპალიტეტი ავრცელებს.

მათივე ცნობით, უფასო რეისები შემდეგი მიმართულებით განხორციელდება:
არდაგანი, ყვიბისი, ლიკანი, ახალი უბანი, კორტანეთი, ცემი, ტიმოთესუბანი.

ავტობუსები მთელი დღის განმავლობაში უცვლელი განრიგით მოემსახურება მგზავრებს.