,,არ ვიცით, ვისი ცხედრები უნდა დავმარხოთ" – წყალთბილის მაცხოვრებლები

სამართალი

09.08.2017

საპროტესტო აქცია გამართა ახალციხე–ვალის ცენტრალურ მაგისტრალთან სოფელ წყალთბილის მოსახლეობამ.

ისინი სამართალდამცველებისგან იმ საჭირო დოკუმენტაციისა და ექსპერტიზის დასკვნის წარდგენას მოითხოვდნენ,

სადაც აღნიშნული იქნებოდა, თუ რა ვითარებაში გარდაიცვალნენ, 28 მაისს, დატრიალებული ტრაგედიის გამო მამა–შვილი ანა და პეტროს ავეტისიანები.

ადგილობრივები ასევე მოითხოვდნენ ექსპერტიზის დასკვნას, სადაც აღნიშნული იქნებოდა, რომ თბილისიდან ჩამოსვენებული ცხედრები ნამდვილად წყალთბილაში ხანძრისგან დამწვარი მამა–შვილი იყვნენ.
სოფელ წყალთბილაში, ავეტისიანების სახლში ხანძარი, 28 მაისს, გვიან ღამით გაუჩნდა. შემთხვევის შედეგად 82 წლის მამა და მისი 58 წლის ქალიშვილი დაიწვნენ.

ხანძრიდან მეორე დღესვე, ცხედრები ლევან სამხარაულის სახელობის სასამართლო ექსპერტიზის ეროვნულ ბიუროში გადაასვენეს. ამ დრომდე უცნობი რჩება რამ გამოწვია ხანძარი.

,, ჩვენ არ ვიცით ხანძარი გაჩნდა შემთხვევით, თუ ეს იყო დანაშაული. პასუხი ამ დრომდე არ მიგვიღია. ჩვენ არვიცით,
ვისი ცხედრების დაკრძალვა მოგვიწევს, არანაირი დოკუმენტი არ გვაქვს დღემდე" – აცხადებს ოჯახის მეგობარი არტურ ჟამკატიანი.

აქციის მონაწილეებს ვალის პოლიციის ხელმძღვანელობა შეხვდა. ძალოვანებმა ადგილობრივებს განუმარტეს, რომ ექსპერტიზის დასკვნა,
სადაც გარდაცვალების მიზეზი ეწერება, მათ ამ დრომდე არ აქვთ.

,,ექსპერტები ამ დრომდე მუშობენ, გარდაცვალების მიზეზის დასადგენად, ამ ეტაპზე ასეთი დასკვნა არარსებობს.
გარდაცვლილები თბილისიდან იმიტომ წამოიყვანეს დღეს, რომ დნმ–ის მიხედვით ორ ცხედარს შორის დადგინდა ნათესაური კავშირი,
სწორედ ამის გამო მოხდა გარდაცვლილების გამოტანება" – აცხადებს ვალის პოლიციის განყოფილების უფროსი გოგა ბლიაძე.

მომხდარს საქართველოს შინაგან საქმეთა სამინისტრო სისხლის სამართლის კოდექსის 187–ე მუხლით იძიებს, რაც სხვისი ნივთის დაზიანებას ან განადგურებას გულისხმობს.

Հեղինակ:

მაია იველაშვილი

Երկ.

Երեք.

Չոր.

Հինգ.

Ուրբ.

Շաբ.

Կիր.