მესხი სპორტსმენები, ტაეკვანდოში გამართულ თბილისის ღია ჩემპიონატიდან საპრიზო ადგილებით დაბრუნდნენ.

ახალციხის გამგეობის ინფორმაციით, აწყურის მკვიდრმა მედეა ლაბაძემ, 46 კგ წონით კატეგორიაში იასპარეზა და მე-3 ადგილი მოიპოვა.

მესამე ადგილზე გავიდა 41 კგ წონით კატეგორიაში მებრძოლი აწყურელი ია ლაბაძეც,

საპრიზო ადგილი მოიპოვა წინუბნელმა გიორგი კურტანიძემაც, რომელმაც 45 კგ წონით კატეგორიაში მე-3 ადგილი დაიკავა.

ასევე, ბრინჯაოს მედალოსანი გახდა ზიკილიელი გიორგი მაისურაძე 58 კგ წონით კატეგორიაში.

თბილისის ღია ჩემპიონატი 11-12 მარტს ჩატარდა, რომელშიც მონაწილეობა საქართველოს ყველა რეგიონმა მიიღო.

ტაეკვანდოს შემსწავლელი წრე, ერთი წელზე მეტია, სოფელ აწყურში ფუნქციონირებს.