Վրաստանում արձանագրվել է կորոնավիրուսով վարակման 227 նոր դեպք: Այս մասին տեղեկությունը քիչ առաջ թարմացվել է կառավարության կողմից ստեղծված stopcov.ge կայքում։

Այսպիսով, այս պահի դրությամբ Վրաստանում հաստատված է նոր կորոնավիրուսի 4140 դեպք: Ապաքինվածների քանակը ավելացել է 69-ով և կազմել 1643։

Կորոնավիրուսի հետևանքով երկրում մահացել է 24 պացիենտ, նրանցից մեկը մահացել է այսօր։

Կարանտինի ռեժիմում գտնվում է 5 255 քաղաքացի, իսկ ստացիոնարում դիտարկման տակ է 836 մարդ: Կովիդ հյուրանոցներում գտնվում է 563 քաղաքացի:

Բացի այդ, արտասահմանից բուժման նպատակով Վրաստան է տեղափոխվել 41 քաղաքացի:

Հիշեցնենք, երեկ սեպտեմբերի 22-ին Վրաստանում արձանագրվել էր կորոնավիրուսով վարակման 218 դեպք:

Վերջին 24 ժամում Հայաստանում արձանագրվել է կորոնավիրուսով վարակման 210 նոր դեպք, դրանով վարակման ընդհանուր թիվը դարձնելով 47 552:

Վերջին մեկ օրում երկրում վարակից մահացել է չորս պացիենտ:

Հայաստանում կորոնավիրուսից ընդհանուր առմամբ մահացել է 938 մարդ: Այսօրվա դրությամբ հիվանդանոցներում բուժում է ստանում ավելի քան 3600 քաղաքացի: