Հինգ պատվաստվում Նինոծմինայում, վեց՝ Բորժոմիում, 11՝ Ադիգենիում, 15՝ Ախալցիեխում, իսկ Ասպինյայում և Ախալքալաքում պատվաստվածներ չկան: Սամցխե-Ջավախքի բնակչության կարծիքը պատվաստումների վերաբերյալ չփոխվեց նաև հիվանդությունների վերահսկման ազգային կենտրոնի տնօրենի այցից հետո։ Ամիրան Գամկրելիձեն և բուժանձնակազմը երկու օր գտնվում էին Վրաստանի հարավում և քաղաքացիներին վստահեցնում պատվաստանյութի անվտանգության և անհրաժեշտության մասին։

Պարոն Ամիրան, ի՞նչ արդյունք տվեց Վրաստանում անցկացված պատվաստումների մարաթոնը։ Արդյո՞ք այն արդարացնում է ձեր սպասելիքները:

Իմունականխարգելման մարաթոնն անցկացվում է Վրաստանի 49 խոշոր գյուղերում և ներգրավված է բնակչության զգալի մասը։ Մենք ակտիվորեն սկսել ենք Շիդա Քարթլիից, այնուհետև Կախեթից, Մցխեթա-Մթիանեթից, Քվեմո Քարթլիից, Սամցխե-Ջավախեթից...

Թեև բնակչությունը մեծ քանակությամբ պատվաստված չէ, սակայն մարաթոնի ընթացքում երկրում կատարվել է մինչև 2500 պատվաստում։ Հետևաբար, մարաթոնը կատարում է իր նպատակը այն առումով, որ ռնեդուռ շրջելով ավելի շատ տեղեկատվություն է տրամադրվում ընտանիքներում։ Նախապատրաստական շրջանում մեր խմբերը դռնեդուռ են շրջում և դրանով իսկ բարձրացնում բնակչության դիմադրողականությունը։ Այս գործընթացն հատկապես կարևոր է անցկացնել էթնիկ փոքրամասնություններով բնակեցված մարզերում, որտեղ մայրենի լեզվով ավելի շատ տեղեկատվություն և հարցերի սպառիչ պատասխաններ են տրվում բնակիչներին: Այս մարաթոնը մեկ-երկու շաբաթ չի տևելու, մարաթոնը կշարունակվի մեկ տարուց ավելի։ Ախալքալաքի քաղաքապետարանում ունենք պատվաստումների ամենացածր ցուցանիշներից մեկը։ Կարևոր է բարձրացնել պատվաստումների մակարդակը, հակառակ դեպքում վարակների թիվը կավելանա։

Շնորհակալություն լրատվամիջոցներին աջակցության համար, այս գործընթացը պետք է հնարավորինս լուսաբանվի և բնակչությանը հասանելի լինի տեղեկատվություն այն մասին, որ պատվաստումից բացի, ոչինչ չի կարող կանգնեցնել համաճարակը: Այս փուլում Վրաստանի բնակչության 33%-ը պատվաստված է, սակայն չափահաս բնակչության առնվազն 60-80%-ը պետք է պատվաստվի, եթե ցանկանում ենք վերջ տալ համաճարակին, հեռացնել դիմակները, լինել ազատ և հանգիստ անցկացնել Նոր տարին։

Ինչ իրավիճակ է Սամցխե-Ջավախքում, ինչու են քաղաքացիները հրաժարվում պատվաստվելուց:

Իմունիզացիայի մասին զրուցեցնք Դիլիսկայում գտնվող իմ գործընկերների հետ, ովքեր նշեցին, որ երեխաներին պլանավորված պատվաստումներով պատվաստում են, թեև COVID19 պատվաստանյութերի դիմումները բավականին ցածր են։ Հստակ պատճառը անհայտ է, թեև, հավանաբար, կա վախի և վտանգի զգացում:

Տեղական իշխանությունների հետ համաձայնությամբ քաղաքացիներին անհրաժեշտ է տեղափոխել Ախալքալաքի լավ կազմակերպված հիվանդանոց։ Նրանք նաև պետք է վերապատրաստվեն պատվաստումների վերաբերյալ: Թեև բժիշկներն արդեն վերապատրաստված են՝ ինչպես տեղում, այնպես էլ առցանց, նրանք դեռևս ունեն մտավախություններ և պետք է հաղթահարեն այս վախի համախտանիշը:

Երկրում կորոնավիրուսի հինգերորդ ալիքն է, և օրական վարակման մակարդակը կտրուկ աճում է։ Իրականում ողբերգություն է, երբ յուրաքանչյուր 24 ժամը մեկ մահանում է 40-ից ավելի մարդ: Առաջին հերթին մեզ, իսկ հետո մեր հարազատների համար պետք է պատվաստվենք և հոգ տանենք միմյանց մասին, պաշտպանենք մեր և ուրիշների առողջությունը։

Լավ գիտեք, որ մենք բնակչությանը հորդորում ենք պահպանել բոլոր կանոնակարգերը՝ ուր էլ լինենք, կրենք բժշկական դիմակ, պահպանենք սոցիալական հեռավորություն, խուսափենք բազմամարդ հավաքույթներից, կապ չունի՝ ընթրիք է, թե պատուհաս։ Մենք՝ բժիշկներս, չենք ողջունում ոչ մի մեծ հավաքույթ, որը վարակի տարածման ռիսկի մեծ գործոն է։

Այսօր 2 000 դպրոցից մոտ 200-ն անցել են հեռավար կարգի, որովհետև դպրոցներում հայտնաբերվել են կորոնավիրուսի դեպքեր: Կրթական հաստատություններում վարակի տարածումը նվազեցնելու համար անհրաժեշտ է, որ բոլոր ուսուցիչներն ու աշակերտների ծնողները պատվաստվեն:

Եթե բնակչությունը չպատվաստվի, երկու ամիսը մեկ կունենանք նման ալիքներ։ ենք Դեպքերի թիվն անընդհատ կնվազի ու կավելանա, կավելանան նաև մահվան դեպքերը:

Նինոծմինդայում և Ախալքալաքում ապրում են մարդիկ, ովքեր ունեն այլ երկրների՝ հիմնականում Հայաստանի ու Ռուսաստանի քաղաքացիություն: Ինչպես պետք է պատվաստվեն նրանք:

Ես այս հարցը կբարձրացնեմ Իմունականխարգելման խորհրդի մոտ և կարծում եմ, որ այս հարցը կլուծվի։ Եթե ունենանք պաշտոնական նամակ Ախալքալաքի եւ Նինոծմինդայի տեղական ինքնակառավարման մարմինների ներկայացուցիչներից, ապա այս հարցը կլուծվի։

Կանոնակարգերը խստացնելու ծրագրեր կա՞ն։

Ես կողմ եմ պատվաստումների կանոնակարգերի խստացմանը: