Ի՞նչ որակի ալյուր է ներմուծվում Վրաստան

Լուրեր

22.08.2022

Վերջին մի քանի շաբաթների ընթացքում հացագործները բողոքում են ալյուրի որակից։ Ասում են՝ եղել են դեպքեր, երբ ալյուրը վերադարձնում են ներկրողին։ Հաց արտադրողի ասոցիացիայի ղեկավար Մալխազ Դոլիձեն հաստատում է անորակ ալյուրի մասին տեղեկությունը՝ ասելով, որ «դա ներկրողի պատասխանատվությունն է»։

«Ինչ վերաբերում է որակին, ապա բոլոր ներկրողները շատ լավ գիտեն, թե ինչ ալյուր են բերում, որ մարզից եւ ինչ գնով են այն գնում։ Ցավալի է, բայց դա փաստ է, գնի և որակի առումով ռուսական ալյուրն այլընտրանք չունի, թեև այնտեղ էլ կան տարբեր որակն, իսկ այնտեղից ներկրելիս ներկրողի պատասխանատվությունն է չներկրել անորակ ալյուր»,- հայտարարում է Դոլիձեն։

Ինչ վերաբերում է շուկայում տիրող իրավիճակին, ապա, ըստ Մալխազ Դոլիձեի, այժմ ամեն ինչ կախված է նոր բերքից։ Այդ թվում՝ հացի գինը։

«Այժմ տեղական շուկայում արտադրվող եւ Ռուսաստանից ներկրվող ալյուրի գներն այնքան նման են, որքան երբեւէ։ Ներմուծվածի արժեքը 77-79 լարի է, տեղականինը՝ 80-83։ Սա շատ փոքր տարբերություն է։ Սրան գումարվում է գազի և ջրի թանկացված սակագինը մեզ՝ հացագործներիս համար։ Սա մեծապես բարձրացնում է ամեն ինչի ինքնարժեքը, բայց, այնուամենայնիվ, մոտ ապագայում հացի թանկացում պետք չէ սպասել»,- ասում է Մալխազ Դոլիձեն։

თეგები: ալյուր / արժեք / գին / Հաց / որակ /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.