Վարորդական իրավունքի վկայականի քննությանը ավելացվում է ևս մեկ մաս

Լուրեր

29.11.2022

Վարորդական վկայականի գործնական քննության երկրորդ փուլում պարտադիր է լինելու տրանսպորտային միջոցի տեխնիկական վիճակի ստուգումը գործողությունը սկսելուց առաջ՝ նախքան մեքենան վարելը։

Համապատասխան փոփոխությունը նախատեսված է Ներքին Գործերի նախարարի (N598) հրամանով և այն կիրականացվի 2023 թվականի սեպտեմբերի 1-ից։

Մասնավորապես, նշված պահանջը ենթադրում է, որ վարորդի թեկնածուն տրանսպորտային միջոցի տեխնիկական արդյունավետությանը վերաբերող հարցերին պատասխանում է քննողի առաջադրանքին համապատասխան՝ տեսողական ցուցադրմամբ, համապատասխան գործիքի կիրառմամբ կամ այլ գործողությամբ և/կամ բանավոր։

Հիշեցնենք, որ «B» և «BE» կարգի տրանսպորտային միջոց վարելու գործնական թեստն այս տարվա ապրիլի 25-ից դարձել է երկփուլ: Առաջին փուլը կրկին անցկացվում է փակ դաշտում, իսկ երկրորդ փուլը՝ իրական երթեւեկության պայմաններում։ Վարորդական վկայական ստանալ ցանկացողները պետք է գործնական թեստ հանձնեն թե՛ սովորական, թե՛ իրական երթևեկության պայմաններում։

Դիմորդը իրավունք ունի գործնական քննության առաջին փուլը հանձնել տեսական քննությունը հաջողությամբ հանձնելուց հետո 30 օրացուցային օրվա ընթացքում, իսկ գործնական քննության երկրորդ փուլը՝ առաջին փուլը հաջողությամբ հանձնելուց հետո՝ 365 օրացուցային օրվա ընթացքում։ Բացի այդ, անձը գործնական քննության երկրորդ փուլ կընդունվի առաջին փուլը հաջողությամբ անցնելուց ոչ շուտ, քան 15 օր հետո։