Ախալքալաքի նախկին բարձրաստիճան ոստիկանի ընկերությունները տենդերներով ստացել են ավելի քան 2,6 մլն լարի. IT

Լուրեր

22.06.2023

Ախալքալաքի նախկին բարձրաստիճան ոստիկան Խաչիկ Մոսոյանի ընկերությունները 2014-2022 թվականներին պետական 49 գնումների միջոցով ստացել են 2 մլն 687 հազար 008 լարի։ Դրանից 1,928,488 լարին (71,7%) փոխանցվել է Ախալքալաքի քաղաքապետարանից, որտեղ նրա հարսի հայրը 6 տարի ղեկավարել է իրավաբանական ծառայությունը։

Այս մասին հետազոտությունը տարածում է «Միջազգային թափանցիկություն-Վրաստանի»-ն:

Խաչիկ Մոսոյանը 2013-2014 թվականներին եղել է Սամցխե-Ջավախեթիի շրջանային գլխավոր բաժնի Ախալքալաքի շրջանային բաժնի պետը, իսկ 2018-2019 թվականներին զբաղեցրել է Սամցխե-Ջավախեթիի ոստիկանության շրջանային տեսուչների բաժնի պետի տեղակալի պաշտոնը։ Խաչիկ Մոսոյանի պաշտոնում նշանակվելուց մինչ օրս նրա ընկերությունները՝ «Վեմի» ՍՊԸ-ն և «Գոլդ 777» ՍՊԸ-ն, պետական գնումներ են ստանում։

Մոսոյանները ընկերությունը վաճառել են 2019 թվականի հունվարին այն բանից հետո, երբ Ախալքալաքի ջրամատակարարման գրասենյակի կառավարիչ Վարդ Մոսոյանը կալանավորվել էր 2014 թվականին Ախալքալաքի քաղաքապետարանում «Վեմի» ՍՊԸ-ի կողմից չորս գյուղերի ջրամատակարարման համար 75 հազար լարիով շահած մրցույթի պատճառով։ 2018 թվականին նա դատապարտվել է յուրացումների և կեղծ փաստաթղթեր պատրաստելու և օգտագործելու համար։ Քննության տվյալներով՝ Վարդ Մոսոյանի կնոջ՝ Երանուհ Ալեքսանյանի անունով գրանցված ընկերությունը աշխատանքներն իրականացրել է Ախալքալաքի ջրամատակարարման ընկերության սարքավորումներով և աշխատուժով։

«Վեմի» ՍՊԸ-ի վաճառքից հետո Խաչիկ Մոսոյանը 2019 թվականի ապրիլին հիմնադրել է «Գոլդ 777» ՍՊԸ-ն։ «Գոլդ 777» ՍՊԸ-ին առ այսօր 26 գնումների արդյունքում գոյացել է 1 362 711 լարի։ Դրանից Ախալքալաքի քաղաքապետարանը 783614 լարիի (57,5%) պայմանագրեր է կնքել 15 գնումների համար։

2014-2018 թվականներին «Վեմ» ՍՊԸ-ի և 2019-2022 թվականներին «Գոլդ 777» ՍՊԸ-ի գնումները.

Ընդհանուր առմամբ, նախկին բարձրաստիճան ոստիկանի երկու ընկերություններն էլ ստացել են 1 153 589 լարի (ստացված ընդհանուր գումարի 42,9%-ը) մրցութային կարգով շահած տենդերների և ուղղակի գնումների միջոցով։

2021 թվականի օգոստոսի 12-ին Խաչիկ Մոսոյանը 5000 լարի է մուտքագրել իշխող կուսակցության հաշվեհամարին։

«Միջազգային Թափանցիկություն Վրաստանին» կոչ է անում Պետական անվտանգության ծառայության հակակոռուպցիոն գործակալությանը հետաքննել Ախալքալաքի քաղաքապետարանի հետ «Վեմի» ՍՊԸ-ի և «Գոլդ 777» ՍՊԸ-ի պետական գնումները և պարզել, թե արդյոք եղել են հնարավոր կոռուպցիոն գործարքներ։