Ե՞րբ կավարտվեն Աբասթումանիի վերականգնողական աշխատանքները

Լուրեր

29.06.2023

Փոխվարչապետ, էկոնոմիկայի և կայուն զարգացման նախարար Լևան Դավիթաշվիլին տարածաշրջանային զարգացման և ենթակառուցվածքների նախարար Իրակլի Կարսելաձեի հետ միասին ստուգել են Աբասթումանիում ընթացող և ավարտված ենթակառուցվածքային աշխատանքները։

Այցի շրջանակներում նրանք եղան Աբասթումանիում կառուցվող բարձրակարգ հյուրանոցներում՝ «Ռումսի», «Հիլթոն» և «Պարագրաֆ», ծանոթացան ենթակառուցվածքային նախագծերին, այդ թվում՝ էլեկտրամեքենայով հագեցած ավտոկայանատեղիի կառուցման աշխատանքներին։

Տեղեկությունը տարածում է էկոնոմիկայի նախարարությունը։

Գործակալության տվյալներով՝ Աբասթումանի այցին նախորդել է այս ամսվա սկզբին հանգստավայրի զարգացման շրջանակներում էկոնոմիկայի նախարարությունում տեղի ունեցած համակարգող հանդիպումը։ Էկոնոմիկայի նախարար Լևան Դավիթաշվիլին և տարածաշրջանային զարգացման և ենթակառուցվածքների նախարար Իրակլի Կարսելաձեն մասնավոր հատվածի ներկայացուցիչներից տեղեկություններ են հավաքել Աբասթումանում ընթացող և նախատեսվող հյուրանոցային շինարարության մասին։ Նախարարությունում կայացած հանդիպմանը մասնակցել են Աբասթումանիի հյուրանոցների, ռեստորանների և միջոցառումների տարածքների նախագծեր մշակող գրեթե բոլոր ներդրողները։

Լևան Դավիթաշվիլիի խոսքով, Աբասթումնիի վերականգնողական աշխատանքներն ընթանում են ըստ ծրագրի, և հանգստավայրը լիովին պատրաստ կլինի 2025 թվականի սեզոնին։

«Աբաստումնի հանգստավայրի հիմնանորոգումն ինտենսիվ փուլում է, շինարարական աշխատանքների մեծ մասն ավարտվել են, մոտ ապագայում կսկսվեն հարդարման աշխատանքները։ Այսպիսով, հիմնական ենթակառուցվածքը և հյուրանոցները շահագործման կհանձնվեն հաջորդ տարեվերջին, իսկ 2025 թվականի սեզոնին հանգստավայրը լիովին պատրաստ կլինի, հիմնովին վերանորոգված՝ ժամանակակից չափանիշներին համապատասխան»,- ասաց Լեւան Դավիթաշվիլին։

Աբասթումնիի զարգացման ծրագրի շրջանակներում Տարածաշրջանային զարգացման և ենթակառուցվածքների նախարարությունն արդեն ավարտել է 19-20-րդ դարերի 20 պատմական տների, 1932 թվականին կառուցված Ազգային աստղաֆիզիկական աստղադիտարանի և կենտրոնական 1982 թվականին կառուցված ճոպանուղու ամբողջական վերականգնումը։ Մշակվել է Աբաստումնի հանգստավայրի զարգացման գլխավոր պլանը։

თეგები: Աբասթումանի / Ենթակառուցվածք /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.