Շրջակա միջավայրի ազգային գործակալության տեղեկատվության համաձայն՝ հուլիսի 3-5-ը բարձր ջերմաստիճանի ֆոնին առանձին շրջաններում սպասվում է կարճատև անձրև և կայծակ, Արևելյան Վրաստանում հնարավոր է կարկուտ։ Օդի ջերմաստիճանը կբարձրանա։

Սամցխե-Ջավախեթիում եղանակը կբարելավվի, ջերմաստիճանը կբարձրանա: Հուլիսի 4-ին Ախալցիխեում ցերեկը սպասվում է 27, գիշերը՝ 15 աստիճան տաքություն։ Բորջոմիում ցերեկը սպասվում է 27, գիշերը՝ 15 աստիճան տաքություն։

Ասպինձայում ցերեկը կլինի 27, գիշերը՝ 14, Ադիգենում ցերեկը՝ 26, գիշերը՝ 12 աստիճան տաքություն։

Ինչ վերաբերում է Ջավախեթիին, ապա այստեղ նույնպես արևային եղանակ է սպասվում։ Ախալքալաքում ցերեկը կլինի 23, գիշերը՝ 10։ Նինոծմինդայում ցերեկը կանխատեսում են 21, գիշերը՝ 10 աստիճան տաքություն։

Մարզի հանգստավայրերում կդիտվի արևային եղանակ:

Ինչ վերաբերում է մայրաքաղաքին, ապա Թբիլիսիում նույնպես արևային եղանակ է սպասվում։ Ջերմաստիճանը ցերեկը կտաքանա մինչև 30, գիշերը կլինի 20 աստիճան տաքություն։