2024 թվականի երկրորդ եռամսյակում Վրաստանում 15 տարեկանից բարձր տեղացի այցելուների միջին ամսական թիվը կազմել է 1,367,200, իսկ նրանց կողմից երկրի տարածքում իրականացված այցելությունների միջին ամսական թիվը՝ 1,699,300։ Այս տվյալները հրապարակում է Ազգային վիճակագրական ծառայությունը։

Նրանց տեղեկացմամբ՝ նշված ժամանակահատվածում այցելուների միջին ամսական թիվն աճել է 6 տոկոսով, իսկ նրանց կողմից իրականացված այցելությունների թիվը 6.2 տոկոսով գերազանցել է նախորդ տարվա նույն ժամանակահատվածի ցուցանիշը։

Հաշվետու ժամանակահատվածում առավել շատ այցելություններ կատարվել են Թբիլիսիում և Իմերեթիի մարզում։

2024 թվականի երկրորդ եռամսյակում իրականացված այցելությունների ժամանակ կատարված միջին ամսական ծախսերի ծավալը կազմել է 264.2 միլիոն լարի։ Նշված ցուցանիշը 13.2 տոկոսով ավել է նախորդ տարվա նույն ժամանակահատվածի ցուցանիշի համեմատ։ Ընդ որում, մեկ այցելության համար կատարված միջին ծախսն աճել է 6.6 տոկոսով և կազմել 155.5 լարի։