COVID 19 - მითები ვაქცინაციის ირგვლივ

COVID19

29.01.2021

ახალი კორონავირუსის პანდემიამ და შესაძლო საფრთხემ საზოგადოებაში ბევრი მითისა და დაუზუსტებელი ინფორმაციის გავრცელებას შეუწყო ხელი. მითები კიდევ უფრო მომრავლდა ვაქცინაციასთან დაკავშირებით, სადაც საზოგადოების გარკვეულმა ნაწილმა კოვიდ19-ის ვაქცინაცია ადამიანების დაჩიპვას, სიკვდილიანობის ზრდასა და ვაქცინის უხარისხობას დაუკავშირა. სწრაფ დროში შექმნილ ვაქცინას ბევრი მოწინააღმდეგე ჰყავს. "ფეიკ ნიუსების" უმეტესობა ძირითადად უკავშირდება მისი საშუალებით "დაჩიპვას", დნმ-ის შეცვლას, მწვავე ფორმებში გამოვლენილ გვერდით ეფექტებს და ა.შ.

მითი პირველი: ბილ გეიტსმა კორონავირუსის შესახებ წინასწარ იცოდა და მას ხალხის „დაჩიპვა“ სურს

მითი, რომელიც ვირუსის დაწყებიდან დღემდე ინტენსიურად ვრცელდება, კომპანია Microsoft-ის დამფუძნებელს, ამერიკელ ბიზნესმენ ბილ გეიტსს ეხება. ამ თეორიის მიმდევრები ირწმუნებიან, რომ ბილ გეიტსმა პანდემიის შესახებ წინასწარ იცოდა და ამ მოსაზრების გასამყარებლად 2015 წელს, ბიზნესმენის TED-ზე გამოსვლას იმოწმებენ. ამ ვიდეოს 32 მლნ-ზე მეტი ნახვა აქვს.

მითი მეორე: ვაქცინა გამოიწვევს DNA-ის შეცვლას

2021 წლის 10 იანვარს Facebook მომხმარებელმა George Zardiashvili-მა ჯგუფში „კოვიდ-ფაშიზმის საწინაამღდეგო მოძრაობა!!!“ გამოაქვეყნა პოსტი, რომელშიც ამტკიცებს, რომ პფაიზერისა და მოდერნას Covid-19-ის საწინააღმდეგო ვაქცინა კლასიკური ვაქცინა არ არის, რადგან ის გენური სინთეზის და დნმ ტექნოლოგიის კომბინაციითაა მიღებული. პოსტის ავტორის აზრით, ამას მწარმოებელი კომპანიებიც ადასტურებენ, როდესაც საკუთარ ვებ-გვერდებზე ვაქცინას ადამიანის სხეულში კომპიუტერად მოიხსენიებენ. მითების დეტექტორი წერს, რომ

,,მტკიცება, თითქოს პფაიზერისა და მოდერნას Covid-19-ის საწინააღმდეგო ვაქცინები ადამიანის გენში ცვლილებებს იწვევს, სიმართლეს არ შეესაბება. Moderna-ს საიტზე mRNA ტექნოლოგია მართლაც შედარებულია კომპიუტერის ოპერაციულ სისტემასთან, თუმცა საუბარია უნიკალური mRNA-ის ჯაჭვზე, რომელიც ცილის შესაქმნელად არის კოდირებული და ეს იმას არ ნიშნავს, რომ ორგამიზმში რაიმე ელექტრონული მოწყობილობაა შეყვანილი. mRNA ვაქცინები ადამიანის დნმ-ზე გაველნას არ ახდენს, რამდენადაც არ აღწევს უჯრედის ბირთვს, სადაც ადამიანის გენეტიკური მასალა ინახება. ასევე ტყუილია მტკიცება, რომ ვაქცინირებულების 80%-ს გვერდითი მოვლენები აღენიშნებათ, რეალურად ორივე ვაქცინის შემთხვევაში, მწვავე გვერდითი მოვლენები იშვიათი იყო, ვაქცინების ეფექტიანობა კი დაახლოებით 95%-ს შეადგენდა".

ვაქცინის მწარმოებელი კომპანიის, Pfizer-ის სპიკერი ენდრიუ ვიჯერი კი ამბობს, რომ კორონავირუსის საწინააღმდეგო ვაქცინა არ ცვლის ადამიანის DNA-ს. ,,ის აწვდის ორგანიზმს იმუნიტეტის შექმნის ინსტრუქციას“ - განმარტავს ვიჯერი.

მითი მესამე: ვაქცინა კლავს

ფეისბუქ-გვერდზე გავრცელდა ინფორმაცია იმისა შესახებ, რომ ვაქცინაციის შედეგად 400-მდე ადამიანი გარდაიცვალა, რომელიც მერე სააგენტოების ნაწილმა საკუთარ გვერდზე გადაბეჭდა.

Reuters-ის მიხედვით, Pfizer-მა ვაქცინის მხოლოდ ბელგიურ საწარმოში გარკვეული შეყოვნების შესახებ 15 იანვარს მართლაც დაანონსა, თუმცა 25 იანვრიდან ვაქცინის წარმოებისა და მიწოდების პროცესი გაგრძელდა და კომპანია თებერვალში ვაქცინის დოზების მიწოდების გაზრდასაც გეგმავს. Pfizer-ის ვაქცინის წარმოება და მიწოდება მსოფლიოს სხვა ქვეყნებში ჩვეულებრივად გრძელდება.

მითი სამცხე-ჯავახეთში: ჰაერში შესაწამლი ნივთიერების გაფრქვევა COVID19 -ის ვირუსის საწინააღმდეგოდ

სამცხე-ჯავახეთში, ნინოწმინდის მუნიციპალიტეტში მცხოვრებმა რამდენიმე ოჯახმა, პირუტყვის გამოსაკვები თივა სპეციალური კარვებით მას შემდეგ დაფარა, რაც სოციალური ქსელის მომხმარებლები ცრუ ინფორმაციამ მოიცვა, რომლის თანახმადაც ახალი კორონავირუსის გავრცელების წინააღმდეგ კონკრეტულ დღეს 23:00 საათიდან დილის 5 საათამდე ჰაერში შესაწამლი ნივთიერება უნდა გაეფრქვიათ.

ნინოწმინდის სათემო რადიო „ნორის“ ცნობით, ამ ყალბმა ამბავმა ადგილობრივები დააბნია: „ხალხმა დაიწყო უზარმაზარი კარვების შეძენა, რომ საქონლისთვის განკუთვნილი თივისათვის გადაეფარებინათ და ცხოველები დაეცვათ“.

საზოგადოებაში გავრცელებულ ვაქცინიის საწინააღმდეგო კამპანიას და ზოგადად ანტივაქსერებს უცხოეთში მოღვაწე ქართველი ექიმი ნანა გეგეჭკორი სოციალურ ქსელში პასუხობს.

,,იცით რატომ ამბობთ ასე მშვიდად უარს აცრებზე? იმიტომ რომ ჩემი და ბევრი ჩემნაირის აცრილი შვილები ქმნიან უსაფრთხო გარემოს თქვენი შვილებისთვის. ერთი წუთით წარმოიდგინეთ ყველა თქვენსავით უპასუხისმგებლოდ და ეგოიზმით რომ მივუდგეთ ამ საკითხს რა მოხდება. თქვენს ირგვლიც ვირუსული ენცეფალიტებით, პოლიომიელიტით, დიფტერიით, ტეტანუსით რომ იღუპებოდნენ ადამიანები იქნებოდა თქვენი "არ ავიცრები" ასეთი კატეგორიული?.." - წერს ექიმი.

გამოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე.