პარლამენტი დღეს მედიის ახალ კანონს განიხილავს

პოლიტიკა

24.02.2025

„ქართული ოცნების“ დეპუტატმა ვლადიმერ ბოჟაძემ განაცხადა, რომ ორშაბათს ბიუროს სხდომაზე ინიციირებული იქნება „ამერიკული FARA-ს ანალოგი და ბრიტანული მოდელის მიხედვით მომზადებული მედიის შესახებ კანონპროექტები“.

„ორივე დოკუმენტი იქნება წარდგენილი ერთი-ერთში ორიგინალთან, ჩვენ არ ვაპირებთ რაიმე ცვლილებების შეტანას. FARA უზრუნველყოფს მაქსიმალურ დაცვას გარე ჩარევებისგან და თქვენ იცით, რომ FARA ერთი საუკუნეა ლამის უზრუნველყოფს ამხელა სახელმწიფოს გარე ჩარევებისგან და იცავს მას, ისევე, როგორც გვინდა, რომ ბრიტანული კანონმდებლობით მაქსიმალურად დავიცვათ ჩვენი მოქალაქეები დეზინფორმაციისგან“, — განაცხადა ბოჟაძემ.

„ქართულმა ოცნებამ“ 2023 წელს მიიღო რუსული კანონი არასამთავრობო ორგანიზაციებისა და მედიის წინააღმდეგ, რასაც მოჰყვა ევროინტეგრაციის პროცესის დე ფაქტო შეჩერება. ახლა „ოცნება“ ამბობს, რომ ამერიკული FARA-ს ანალოგს მიიღებს და ასევე აინიციირებს კანონპროექტს მედიის წინააღმდეგ.