10 კომპანია, რომელმაც 2022 წელს რუსეთში ყველაზე დიდი რაოდენობით ხილი გაყიდა

ეკონომიკა

12.03.2023

საქართველოს სავაჭრო დამოკიდებულება რუსეთზე იზრდება. ხილისა და ბოსტნეულის ექსპორტში კი, ჩრდილო მეზობელი უპირობო ლიდერია.

ხილ-ბოსტნეულის ქართულმა ექსპორტმა რუსეთში 2022 წელს 75 მილიონი დოლარი შეადგინა.

,,ბიზნესპრესნიუსი" გთავაზობთ 10 კომპანიის ჩამონათვალს, რომლებმაც გასულ წელს, რუსულ ბაზარზე ყველაზე დიდი ოდენობის ხილი გაყიდა:

ხილ-ბოსტნეულის ქართულმა ექსპორტმა რუსეთში 2022 წელს 75 მილიონი დოლარი შეადგინა, რაც მეორე ყველაზე მაღალი მაჩვენებელია. 2014 წლიდან 2022 წლამდე ექსპორტი რუსეთში საშუალოდ, 8 მილიონი დოლარით გაიზარდა წელიწადში, როცა ექსპორტი 390 მლნ დოლარი იყო.

შპს გეო ხილი - 2019 წელს დარეგისტრირებული კომპანიის წილის 100%-ს ელდარი ზარქუა ფლობს.

შპს გორი - 2021 წელს რეგისტრირებული კომპანიის 50-50%-ის მფლობელები თამაზ ფსუტური და მიხეილ საბაშვილი არიან.

შპს დემე - კომპანიის რეგისტრაციის თარიღი, 2015 წელია. წილის 100%-ს კი, ბიჭიკო მენაფირი ფლობს. იგივე კომპანია 2022 წელს რუსეთში ბოსტნეულის ექსპორტიორ 10 კომპანიაშიც შედიოდა.

შპს ისოგრინი - 2021 წელს დაარსებული კომპანიის წილის 100%-ს იშარატ მამედოვი ფლობს.საქსტატის ცნობით, კომპანია, ასევე ბოსტნეულის ერთ-ერთი მთავარი ექსპორტიორია.

შპს ოლლ ინ ვან - წილის 100%-ს თალეხ ნამაზოვი ფლობს.

შპს პაკო 2017 - კომპანიის, რომლის 100% წილი პავლე გუდაშვილს ეკუთვნის,როგორც ხილის ასევე ბოსტნეულის 10 მთავარ ექსპორტიორ კომპანიაშია.

შპს ფრეშ ფრუქტი - 2016 წელს დარეგისტრირებული კომპანიის 100% აკაკი ზაზარაშვილს ეკუთვნის.

შპს ფრეშბერი ექსპორტი - 2020 წელს დარეგისტრირებული კომპანია სრულად ილია ბენდელიანის საკუთრებაა.

შპს ხილის წარმოება - გასულ წელს რეგისტრირებული კომპანიის მფლობელი ზაზა შანიძეა.

შპს ჯეო გოლდენ ფრუტი - 2019 წელს დარეგისტრირებული კომპანიის 100% საქართველოსა და რუსეთის ორმაგი მოქალაქის კახა გორდულაძის საკუთრებაა.

ინფორმაციისთვის, ექსპორტიორი კომპანიები არ არის დალაგებული რეიტინგის მიხედვით.

თეგები: ვაჭრობა / რუსეთი / საქართველო /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.