სამაშველო სამუშაოებში, 600-მდე მეხანძრე-მაშველი და ათეულობით სპეციალური ტექნიკაა ჩართული - შსს

საზოგადოება

25.02.2025

შინაგან საქმეთა სამინისტროს ცნობით, უწყების ყველა შესაბამისი დანაყოფი დასავლეთ საქართველოში, დიდთოვლობასთან დაკავშირებით, მესამე დღეა საგანგებო რეჟიმში მუშაობს.

როგორც შსს-ის მიერ გავრცელებულ ინფორმაციაშია აღნიშნული, სამაშველო სამუშაოებში, საგანგებო სიტუაციების მართვის სამსახურის 600-მდე მეხანძრე-მაშველი და ათეულობით სპეციალური ტექნიკაა ჩართული, მათ შორის თოვლის ბურანები.

სინოპტიკოსები ინტენსიურ თოვას 27 თებერვლის ჩათვლით ელოდებიან. ამასთანავე, გარემოს ეროვნული სააგენტოს ეროვნული სააგენტოს ჰიდრომეტეოროლოგიის დეპარტამენტი 3 მარტიდან კვლავ ამინდის გაუარესებას პროგნოზირებს.

დიდთოვლობამ პრობლემები უკვე შექმნა გურიისა და აჭარის რეგიონებში. დიდთოვლობის შედეგად მოქალაქეთა ნაწილი გარესამყაროს არის მოწყვეტილი. ვრცელდება ინფორმაცია 2 გარდაცვლილის შესახებ. ადგილობრივი მოსახლეობა დახმარებას ითხოვს. მათ ნაწილს არ მიეწოდება გაზი, დენი და წყალი, არ აქვთ წვდომა მედიკამენტებსა და საკვებზე. ზოგიერთ სოფელში ადგილზე ვერ ახერხებს მისვლას სასწრაფო სამედიცინო დახმარებაც. მოქალაქეები სოციალურ ქსელში წერენ, რომ ვერ ახერხებენ სტიქიის ზონაში მცხოვრებ ახლობლებთან დაკავშირებას.

დღესვე უნდა დაიწყოს იმაზე მუშაობა, რომ იცოდნენ, თუ გაჩნდა ნაპრალი ან სხვა ნიშანი, მოქალაქემ უნდა შეატყობინოს შესაბამის სამსახურებს, ან სოციალურ ქსელში დაწეროს. თუ გაჩნდა პირველი ნიშნები, იქ უკვე დაგვიანება აღარ შეიძლება, შესაძლოა, სწრაფად განვითარდეს პროცესები.

,,მეწყრის საშიშროება არ ნიშნავს იმას, რომ მოსახლეობა პანიკაში უნდა ჩავარდეს. ეს არის ბუნებრივი კანონზომიერება. შესაძლოა, კლიმატური ცვლილებების გამო მოიმატა მსგავსმა პროცესებმა, მაგრამ ადამიანს ყოველთვის შეუძლია გადაირჩინოს თავი - ეს მეწყრის შემთხვევაში უფრო მარტივია, ვიდრე მაგალითად, ღვარცოფის შემთხვევაში. მაგალითად დიდი თოვლი რომ მოდის, იმას ვერაფერს ვერ უზამ, მაგრამ ლღობის პროცესში შესაძლოა, პროცესებზე დაკვირვება და საჭიროების შემთხვევაში ტერიტორიიდან გარიდება“, - ამბობს გეომორფოლოგი გიორგი დვალაშვილი.

გარემოს ეროვნული სააგენტოს მონაცემებით, უამინდობა საქართველოში 27 თებერვლის ჩათვლით გაგრძელდება. ხელისუფლებამ მოსალოდნელი უამინდობის შესახებ შეტყობინებები მოსახლეობასთან 20 თებერვალს, პარასკევს, დააგზავნა.

მიუხედავად რეგიონული ხელისუფლების განცხადებისა, რომ სტიქიის პირველივე დღიდან შექმნილია საგანგებო შტაბი და მოქალაქეთა პრობლემების მოსაგვარებლად ყველა შესაბამისი სამსახური 24-საათიანი რეჟიმით მუშაობს, გურიაში დიდთოვლობის გამო გარესამყაროს მოწყვეტილი და რთულ მდგომარეობაში მყოფი ბევრი მოქალაქე ხელისუფლების უყურადღებობას უჩივის.

თეგები: დიდთოვლობა / მეწყერსაშიში /

Հեղինակ:

Tv9news

Երկ.

Երեք.

Չոր.

Հինգ.

Ուրբ.

Շաբ.

Կիր.