ოთხ თვეში, საქართველოდან 26 მლნ ბოთლი ღვინოა ექსპორტირებული

ეკონომიკა

15:17 / 06.05.2019

"2019 წლის იანვარ-აპრილში საქართველოდან მსოფლიოს 38 ქვეყანაში 26 მლნ ბოთლი ღვინოა ექსპორტირებული, რაც 2018 წლის ამავე მაჩვენებელს 4%-ით აღემატება“, - აღნიშნულ ინფორმაციას ღვინის ეროვნული სააგენტო ავრცელებს. მათივე ინფორმაციით, ექსპორტირებული ღვინის ღირებულება 63,2 მლნ აშშ დოლარს აღწევს, რაც 2018 წლის ანალოგიურ მონაცემზე 7%-ით მეტია.

ქართული ღვინის რეალიზაცია გაზრდილია ამერიკის, აზიისა და ევროპის მიმართულებით.

სტრატეგიულ ბაზრებზე ექსპორტის პროცენტული ზრდის მიუხედავად, რაოდენობრივად ყველაზე მეტი ღვინო რუსეთში გადის (16 850 331 ბოთლი).

• აშშ - 108% (219 713 ბოთლი),

• ჩინეთი - 22% (2 192 025)

• პოლონეთი - 16% (1 173 850).

• ზრდა აღსანიშნავია შემდეგ ქვეყნებშიც:

• ისრაელი - 102% (106 572),

• ბელარუსი - 88% (604 076),

• საფრანგეთი - 81% (43 938),

• მონღოლეთი - 72% (106 452),

• კანადა - 70% (66 960),

• ჰოლანდია - 37% (40 930),

• ესტონეთი - 15% (214 502),

• ლიეტუვა - 4% (179 370),

• რუსეთი - 4% (16 850 331) და სხვა.

მსოფლიოს 18 ქვეყანაში ექსპორტირებულია 140 ათასი ბოთლი ჭაჭა, ექსპორტის ზრდამ 68% შეადგინა. ჭაჭის ექსპორტით მიღებული შემოსავალი 382 ათას აშშ დოლარს აღწევს.