ეკონომიკა
კონკურენცია თუ ბიზნესისთვის არაჯანსაღი გარემო?!
სამცხე-ჯავახეთის ექვსი მუნიციპალიტეტიდან, ავტომობილების ინსპექტირების ცენტრი მხოლოდ სამშია გახსნილი. ამასთან, ახალციხეში, ტექდათვალიერების ოფისის მიმდებარედ, კომპანია „გრინვეიმ“ მობილური ჯგუფი განათავსა. შპს „მესხეთში“ ამბობენ, რომ „გრინვეი“ მომხმარებლებს ართმევს.
ზურაბ ბერიძეს ავტომობილის ინსპექტირებისთვის, ასპინძიდან ახალციხეში ჩამოსვლა სამჯერ მოუწია. მამაკაცი ამბობს, რომ ტექდათვალიერების ცენტრები ყველა ქალაქში უნდა იყოს მოწყობილი.
„ყოველ ჩამოსვლაზე 10-10 ლარის საწვავს ვასხამ. პირველად რიგში ჩავდექი, მაგრამ დღის ბოლომდე არ მომიწია, მეორედ რომ ჩამოვედი მანქანამ ტექდათვალიერება ვერ გაიარა, ერთთვიანი ვადა მომცეს პრობლემის მოსაგვარებლად, ახლა მესამედ ვარ. ხომ შეიძლება ერთი ცენტრი ასპინძაშიც იყოს, რომ ამხელა გზაზე არ ვიაროთ?“.
მაშინ, როცა ნინოწმინდაში, ასპინძასა და ადიგენში მძღოლებს ავტომობილის ინსპექტირების სერვისი არ მიეწოდებათ, ახალციხეში ტექდათვალიერების ორი ცენტრი მუშაობს. შპს „მესხეთი“ ინსპექტირების კანონის ამოქმედებიდან, 2019 წლის 1-ლი იანვრიდან ფუნქციონირებს. კომპანია „გრინვეიმ“ კი მის გვერდზე, თბილისიდან გამოგზავნილი მობილური ჯგუფი თებერვალში განათავსა.
„მთიან რეგიონებში უნდა იდგეს, მაგრამ ჩემს წინ განთავსდა მობილური ჯგუფი. მილიონიანი ინვესტიცია მაქვს ჩადებული ამ ცენტრში. ჩემს საქმეს ეგენი აკეთებენ. ადრე დღეში 50 მანქანას რომ ვიღებდი, ახლა 20-25 მანქანა მოდის“, - ამბობს შპს „მესხეთის“ დირექტორი ნუგზარ აღდგომელაძე.
ეკონომიკის სამინისტროს რეკომენდაციის შესაბამისად, კომპანია „გრინვეიმ“ სამი მოძრავი ხაზით, ავტომობილთა ინსპექტირება მთიან რეგიონებში უნდა უზრუნველყოს.
„თებერვლის შემდეგ მობილური ხაზი იყო ახალქალაქში, შემდეგ ახალციხეში, სტეფანწმინდაში, ახლა ისევ ახალციხეშია და ახლო მომავალში იგეგმება ასპინძაში გადატანა, მერიიდან ველოდებით პასუხებს, თავსუფალი ადგილის გამოყოფაზე“, - გვითხრეს „გრინვეის“ პრესსამსახურში.
რატომ გამოუყო თვითმმართველობამ „გრინვეის“ ადგილი იმავე ტერიტორიაზე, სადაც უკვე ფუნქციონირებდა ავტომობილის ინსპექტირების ცენტრი - კითხვით ახალციხის მერიას მივმართეთ. პრესსამსახურში გვითხრეს, რომ ამ ინფორმაციას მხოლოდ მაშინ გასცემენ, თუ წერილობით გამოვითხოვთ.
მომხდარს გამოეხმაურა არასამთავრობო ორგანიზაცია „საქართველოს ავტომობილების ინსპექტირების ცენტრები“. სამოქალაქო სექტორი ეკონომიკის სამინისტროს მიმართავს, რომ დაუყოვნებლივ მოახდინოს რეაგირება აღნიშნულ პრობლემაზე.
“ასოციაცია უარყოფითად აფასებს კომპანია „გრინვეის“ გადაწყვეტილებას, რომლის გამოც არ სრულდება ეკონომიკის სამინისტროს მთავარი დაპირება ინსპექტირების გეოგრაფიული ხელმისაწვდომობის შესახებ. კომპანია “გრინვეი“ არ ასრულებს ეკონომიკის სამინისტროს რეკომენდაციას და ნაცვლად მთიანი რეგიონისა, გადასატან ხაზს უმეტესად ანთავსებს ახალციხის ცენტრში, უკვე არსებული ინსპექტირების ცენტრის მიმდებარედ. სადაც ერთის მხრივ ქმნის არაჯანსაღ ბიზნეს გარემოს, ხოლო მეორეს მხრივ მომსახურების გარეშე ტოვებს უამრავ ადამიანს“, - ნათქვამია ორგანიზაციის განცხადებაში.
ამის შესახებ ინფორმაცია აქვთ ეკონომიკის სამინისტროს აკრედიტაციის ეროვნულ ცენტრში, რომელმაც "გრინვეის" საქმიანობის ლიცენზია მისცა.
„ეს საკითხი ვიცით, მაგრამ ჩვენ მხოლოდ აკრედიტაციას გავცემთ. მობილური ხაზების გადაადგილება ეკონომიკის სამინისტროსთან თანხმდება და ხელშეკრულებით არის განსაზღვრული“, - გვითხრა აკრედიტაციის ეროვნული ცენტრის გენერალური დირექტორის მოადგილე მალხაზ ხარებავამ.
იყვნენ თუ არა მხარეები შეთანხმებული, რომ ლიცენზიის მფლობელი „გრინვეი“ ახალციხეში, ტექდათვალიერების ცენტრის გვერდით იმუშავებდა - ამ საკითხზე ეკონომიკის სამინისტროსგან პასუხს ორი დღეა უშედეგოდ ველით.
მეორე დღეა ველით "გრინვეისგან" დამატებით კითხვებზე პასუხს.
ზურაბ ბერიძეს ავტომობილის ინსპექტირებისთვის, ასპინძიდან ახალციხეში ჩამოსვლა სამჯერ მოუწია. მამაკაცი ამბობს, რომ ტექდათვალიერების ცენტრები ყველა ქალაქში უნდა იყოს მოწყობილი.
„ყოველ ჩამოსვლაზე 10-10 ლარის საწვავს ვასხამ. პირველად რიგში ჩავდექი, მაგრამ დღის ბოლომდე არ მომიწია, მეორედ რომ ჩამოვედი მანქანამ ტექდათვალიერება ვერ გაიარა, ერთთვიანი ვადა მომცეს პრობლემის მოსაგვარებლად, ახლა მესამედ ვარ. ხომ შეიძლება ერთი ცენტრი ასპინძაშიც იყოს, რომ ამხელა გზაზე არ ვიაროთ?“.
მაშინ, როცა ნინოწმინდაში, ასპინძასა და ადიგენში მძღოლებს ავტომობილის ინსპექტირების სერვისი არ მიეწოდებათ, ახალციხეში ტექდათვალიერების ორი ცენტრი მუშაობს. შპს „მესხეთი“ ინსპექტირების კანონის ამოქმედებიდან, 2019 წლის 1-ლი იანვრიდან ფუნქციონირებს. კომპანია „გრინვეიმ“ კი მის გვერდზე, თბილისიდან გამოგზავნილი მობილური ჯგუფი თებერვალში განათავსა.
„მთიან რეგიონებში უნდა იდგეს, მაგრამ ჩემს წინ განთავსდა მობილური ჯგუფი. მილიონიანი ინვესტიცია მაქვს ჩადებული ამ ცენტრში. ჩემს საქმეს ეგენი აკეთებენ. ადრე დღეში 50 მანქანას რომ ვიღებდი, ახლა 20-25 მანქანა მოდის“, - ამბობს შპს „მესხეთის“ დირექტორი ნუგზარ აღდგომელაძე.
ეკონომიკის სამინისტროს რეკომენდაციის შესაბამისად, კომპანია „გრინვეიმ“ სამი მოძრავი ხაზით, ავტომობილთა ინსპექტირება მთიან რეგიონებში უნდა უზრუნველყოს.
„თებერვლის შემდეგ მობილური ხაზი იყო ახალქალაქში, შემდეგ ახალციხეში, სტეფანწმინდაში, ახლა ისევ ახალციხეშია და ახლო მომავალში იგეგმება ასპინძაში გადატანა, მერიიდან ველოდებით პასუხებს, თავსუფალი ადგილის გამოყოფაზე“, - გვითხრეს „გრინვეის“ პრესსამსახურში.
რატომ გამოუყო თვითმმართველობამ „გრინვეის“ ადგილი იმავე ტერიტორიაზე, სადაც უკვე ფუნქციონირებდა ავტომობილის ინსპექტირების ცენტრი - კითხვით ახალციხის მერიას მივმართეთ. პრესსამსახურში გვითხრეს, რომ ამ ინფორმაციას მხოლოდ მაშინ გასცემენ, თუ წერილობით გამოვითხოვთ.
მომხდარს გამოეხმაურა არასამთავრობო ორგანიზაცია „საქართველოს ავტომობილების ინსპექტირების ცენტრები“. სამოქალაქო სექტორი ეკონომიკის სამინისტროს მიმართავს, რომ დაუყოვნებლივ მოახდინოს რეაგირება აღნიშნულ პრობლემაზე.
“ასოციაცია უარყოფითად აფასებს კომპანია „გრინვეის“ გადაწყვეტილებას, რომლის გამოც არ სრულდება ეკონომიკის სამინისტროს მთავარი დაპირება ინსპექტირების გეოგრაფიული ხელმისაწვდომობის შესახებ. კომპანია “გრინვეი“ არ ასრულებს ეკონომიკის სამინისტროს რეკომენდაციას და ნაცვლად მთიანი რეგიონისა, გადასატან ხაზს უმეტესად ანთავსებს ახალციხის ცენტრში, უკვე არსებული ინსპექტირების ცენტრის მიმდებარედ. სადაც ერთის მხრივ ქმნის არაჯანსაღ ბიზნეს გარემოს, ხოლო მეორეს მხრივ მომსახურების გარეშე ტოვებს უამრავ ადამიანს“, - ნათქვამია ორგანიზაციის განცხადებაში.
ამის შესახებ ინფორმაცია აქვთ ეკონომიკის სამინისტროს აკრედიტაციის ეროვნულ ცენტრში, რომელმაც "გრინვეის" საქმიანობის ლიცენზია მისცა.
„ეს საკითხი ვიცით, მაგრამ ჩვენ მხოლოდ აკრედიტაციას გავცემთ. მობილური ხაზების გადაადგილება ეკონომიკის სამინისტროსთან თანხმდება და ხელშეკრულებით არის განსაზღვრული“, - გვითხრა აკრედიტაციის ეროვნული ცენტრის გენერალური დირექტორის მოადგილე მალხაზ ხარებავამ.
იყვნენ თუ არა მხარეები შეთანხმებული, რომ ლიცენზიის მფლობელი „გრინვეი“ ახალციხეში, ტექდათვალიერების ცენტრის გვერდით იმუშავებდა - ამ საკითხზე ეკონომიკის სამინისტროსგან პასუხს ორი დღეა უშედეგოდ ველით.
მეორე დღეა ველით "გრინვეისგან" დამატებით კითხვებზე პასუხს.
ამავე კატეგორიაში
სხვა სიახლეები
კვირის პოპულარული
ამინდის პროგნოზი
აბრეშუმის გზა
პარტნიორი მედიასაშუალებების მასალები
ამინდი
ახალციხე
2
°C
ახალქალაქი
-2
°C
ასპინძა
1
°C
ადიგენი
11
°C
ბორჯომი
2
°C
თბილისი
3
°C
აბასთუმანი
0
°C
ბაკურიანი
-3
°C
ნინოწმინდა
-2
°C
ვალუტა
AMD
1000
7.2341
EUR
1
2.9842
RUB
100
2.7304
TRY
1
0.0814
USD
1
2.8448
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
