ეკონომიკა
გაფუჭდა საცხოვრებელი გარემო - არქიტექტორი ბაკურიანზე
საპარკინგე ადგილების ნაკლებობა, გაუმართავი ინფრასტრუქტურა და სხვადასხვა სახის სოციალური ობიექტების ნაკლებობა ბაკურიანისთვის არახალი პრობლემაა. მჭიდრო და არათანაბარი განაშენიანების თანმდევი პრობლემები ტურისტულად აქტიურ პერიოდში განსაკუთრებით თვალში საცემია.
„ბიზნესპრესნიუსთან“ არქიტექტორი მერაბ ბოლქვაძე ბაკურიანში არსებულ განაშენიანების პრობლემაზე საუბრობს. მისი თქმით, კურორტის ტერიტორიის ნაწილზე ადგილი აქვს დასაშვებზე მჭიდრო განაშენიანებასა და გენერალური გეგმით დამტკიცებული კოეფიციენტების გადაჭარბებას.
„ბაკურიანში გენერალური გეგმით დადგენილ კოეფიციენტებს ხშირ შემთხვევაში ინვესტორებმა გადააჭარბეს. ზოგ მშენებლობაზე რომ იყო ასაშენებელი 4 სართული, ააშენეს 7; რომ უნდა ყოფილიყო 6-სართულიანი, ააშენეს 8 და მივიღეთ ტერიტორიების ამგვარი განაშენიანება, რაც პრობლემაა არამარტო სოციალური ინფრასტრუქტურის, ასევე წყალმომარაგების, კანალიზაციის, ელექტრომომარაგებისა და სხვა კუთხით.
ყოველ ტერიტორიას აქვს თავისი წონა, რომლის მიხედვითაც, ამა თუ იმ ტერიტორიაზე დასაშვებია, რომ კონკრეტული რაოდენობის ადამიანმა დაისვენოს, იცხოვროს, ან გაერთოს, ამ მაჩვენებელს ბაკურიანში ცალკეულ მონაკვეთებში გადააჭარბა სიმჭიდროვემ, შესაბამისად, ეს იწვევს, როგორც ინფრასტრუქტურის ნაკლებობას, ასევე საცხოვრებელი გარემოს გაფუჭებას. სამწუხაროდ, იქ უკვე არის მონაკვეთები, რომელიც უკვე დაემსგავსა მრავალსართულიან განაშენიანებებს - შესაძლოა, ამას დავარქვათ ე.წ „ბაკურიანიზაცია“, - აღნიშნავს ბოლქვაძე.
როგორც არქიტექტორი აღნიშნავს, მჭიდრო განაშენიანება, თავისთავად, იწვევს სოციალური ინფრასტრუქტურის ნაკლებობას. პრობლემის აღმოსაფხვრელად კი საჭიროა, რომ გაანალიზდეს ადგილზე არსებული მდგომარეობა და გამოიკვეთოს, რა ტიპის ინფრასტრუქტურის განვითარების საჭიროება არსებობს ბაკურიანში.
„საჭიროა იმის გაანგარიშება, თუ რამდენი ბავშვთა გასართობი სივრცეა ასაშენებელი, რამდენი მაღაზიაა საჭირო, რამდენი სალონი, აფთიაქი და სამედიცინო პუნქტი, რაც ბაკურიანისთვის პრობლემას წარმოადგენს. როგორც ჩემთვის ცნობილია, ახლა კეთდება ბაკურიანის სივრცითი მოწყობის გეგმა, რამაც შესაძლოა, გამოკვეთოს ბაკურიანსა და მიმდებარე დასახლებებში არსებული პრობლემები, რაც შემდეგ გაანალიზდება. რამდენიმე თვე დასჭირდება ამას და მეტი ინფორმაცია შემდეგ იქნება ცნობილი“, - ამბობს არქიტექტორი.
რაც შეეხება გამოსავლის გზებს, ბოლქვაძის თქმით, უკვე აშენებულ ნაგებობებთან მიმართებით რთულია ქმედითი ნაბიჯების გადადგმა. ამ კუთხით ის ხაზს უსვამს გამწვანების აუცილებლობაზე.
„მერე უნდა ვიფიქროთ იმაზე, თუ რა მაკომპენსირებელი ღონისძიებები უნდა ჩავატაროთ, რომ გამოვასწოროთ პრობლემა, მათ შორის, შესწავლისა და ანალიზის შედეგად უნდა დაგდინდეს, რა არის ის სოციალური ობიექტები, რაც აუცილებლად უნდა აშენდეს. რაც შეეხება უკვე შემდგარ არქიტექტურას, იქ ვერაფერს ვიზამთ, იქაც არსებობს გზები, მაგალითად, არსებული ობიექტის გამწვანების ან არქიტექტურის შელამაზების“, - აღნიშნავს მერაბ ბოლქვაძე.
„ბიზნესპრესნიუსთან“ არქიტექტორი მერაბ ბოლქვაძე ბაკურიანში არსებულ განაშენიანების პრობლემაზე საუბრობს. მისი თქმით, კურორტის ტერიტორიის ნაწილზე ადგილი აქვს დასაშვებზე მჭიდრო განაშენიანებასა და გენერალური გეგმით დამტკიცებული კოეფიციენტების გადაჭარბებას.
„ბაკურიანში გენერალური გეგმით დადგენილ კოეფიციენტებს ხშირ შემთხვევაში ინვესტორებმა გადააჭარბეს. ზოგ მშენებლობაზე რომ იყო ასაშენებელი 4 სართული, ააშენეს 7; რომ უნდა ყოფილიყო 6-სართულიანი, ააშენეს 8 და მივიღეთ ტერიტორიების ამგვარი განაშენიანება, რაც პრობლემაა არამარტო სოციალური ინფრასტრუქტურის, ასევე წყალმომარაგების, კანალიზაციის, ელექტრომომარაგებისა და სხვა კუთხით.
ყოველ ტერიტორიას აქვს თავისი წონა, რომლის მიხედვითაც, ამა თუ იმ ტერიტორიაზე დასაშვებია, რომ კონკრეტული რაოდენობის ადამიანმა დაისვენოს, იცხოვროს, ან გაერთოს, ამ მაჩვენებელს ბაკურიანში ცალკეულ მონაკვეთებში გადააჭარბა სიმჭიდროვემ, შესაბამისად, ეს იწვევს, როგორც ინფრასტრუქტურის ნაკლებობას, ასევე საცხოვრებელი გარემოს გაფუჭებას. სამწუხაროდ, იქ უკვე არის მონაკვეთები, რომელიც უკვე დაემსგავსა მრავალსართულიან განაშენიანებებს - შესაძლოა, ამას დავარქვათ ე.წ „ბაკურიანიზაცია“, - აღნიშნავს ბოლქვაძე.
როგორც არქიტექტორი აღნიშნავს, მჭიდრო განაშენიანება, თავისთავად, იწვევს სოციალური ინფრასტრუქტურის ნაკლებობას. პრობლემის აღმოსაფხვრელად კი საჭიროა, რომ გაანალიზდეს ადგილზე არსებული მდგომარეობა და გამოიკვეთოს, რა ტიპის ინფრასტრუქტურის განვითარების საჭიროება არსებობს ბაკურიანში.
„საჭიროა იმის გაანგარიშება, თუ რამდენი ბავშვთა გასართობი სივრცეა ასაშენებელი, რამდენი მაღაზიაა საჭირო, რამდენი სალონი, აფთიაქი და სამედიცინო პუნქტი, რაც ბაკურიანისთვის პრობლემას წარმოადგენს. როგორც ჩემთვის ცნობილია, ახლა კეთდება ბაკურიანის სივრცითი მოწყობის გეგმა, რამაც შესაძლოა, გამოკვეთოს ბაკურიანსა და მიმდებარე დასახლებებში არსებული პრობლემები, რაც შემდეგ გაანალიზდება. რამდენიმე თვე დასჭირდება ამას და მეტი ინფორმაცია შემდეგ იქნება ცნობილი“, - ამბობს არქიტექტორი.
რაც შეეხება გამოსავლის გზებს, ბოლქვაძის თქმით, უკვე აშენებულ ნაგებობებთან მიმართებით რთულია ქმედითი ნაბიჯების გადადგმა. ამ კუთხით ის ხაზს უსვამს გამწვანების აუცილებლობაზე.
„მერე უნდა ვიფიქროთ იმაზე, თუ რა მაკომპენსირებელი ღონისძიებები უნდა ჩავატაროთ, რომ გამოვასწოროთ პრობლემა, მათ შორის, შესწავლისა და ანალიზის შედეგად უნდა დაგდინდეს, რა არის ის სოციალური ობიექტები, რაც აუცილებლად უნდა აშენდეს. რაც შეეხება უკვე შემდგარ არქიტექტურას, იქ ვერაფერს ვიზამთ, იქაც არსებობს გზები, მაგალითად, არსებული ობიექტის გამწვანების ან არქიტექტურის შელამაზების“, - აღნიშნავს მერაბ ბოლქვაძე.
ამავე კატეგორიაში
სხვა სიახლეები
14:44 / 07.01.2025
კვირის პოპულარული
ამინდის პროგნოზი
აბრეშუმის გზა
ხალხის აზრით
პარტნიორი მედიასაშუალებების მასალები
ამინდი
ახალციხე
-2
°C
ახალქალაქი
-2
°C
ასპინძა
1
°C
ადიგენი
13
°C
ბორჯომი
8
°C
თბილისი
4
°C
აბასთუმანი
0
°C
ბაკურიანი
4
°C
ნინოწმინდა
-2
°C
ვალუტა
AMD
1000
7.1129
EUR
1
2.9152
RUB
100
2.6105
TRY
1
0.0798
USD
1
2.8185
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
