Error
  • PHPImageWorkshop\Exception\ImageWorkshopBaseException: [2]: File "/home/tv9news/public_html//images/temp/2019/03/15/1f4ab66eca3596a728878fa09f0bc0fb.png" not exists.
  • PHPImageWorkshop\Exception\ImageWorkshopBaseException: [2]: File "/home/tv9news/public_html//images/temp/2019/03/15/1f4ab66eca3596a728878fa09f0bc0fb.png" not exists.
  • PHPImageWorkshop\Exception\ImageWorkshopBaseException: [2]: File "/home/tv9news/public_html//images/temp/2019/03/15/1f4ab66eca3596a728878fa09f0bc0fb.png" not exists.
  • PHPImageWorkshop\Exception\ImageWorkshopBaseException: [2]: File "/home/tv9news/public_html//images/temp/2019/03/15/1f4ab66eca3596a728878fa09f0bc0fb.png" not exists.
განათლება
ახალგაზრდების პრობლემები სტუდენტურ ქალაქში
სამცხე-ჯავახეთის სახელმწიფო უნივერსიტეტში 1216 ბაკალავრი და 88 მაგისტრანტი სწავლობს. სტატუსშეჩერებული სტუდენტი კი 2017-2018 წლების მონაცემებით, 206 ბაკალავრი და 110 მაგისტრანტია. 

მათი უმრავლესობა სწავლასთან დაკავშირებულ ხარჯებზე, უნივერსიტეტისთვის საერთო საცხოვრებელის უქონლობაზე, მოუწესრიგებელ გზებსა და ამორტიზებულ ტრანსპორტზე ამახვილებს ყურადღებას.

,,გავიაზრე, რომ უმაღლესი განათლება მნიშვნელოვანია, რადგან განათლებული ადამიანები სახელწმიფოს გავაძლიერებთ“ -სოფელ ზიკილიაში მცხოვრებ სტუდენტს ყოველდღე 22 კილომეტრის გავლა უწევს, რათა უნივერსიტეტში ლექციებს დაესწროს.



ნაზი ახალკაცის დღე შვიდ საათზე იწყება, დილით ადრე დღება, სემინარებს იმეორებს და ერთ კილომეტრს ფეხით გადის, რადგან ავტობუსის გაჩერებამდე დროულად მივიდეს. უნივერსიტეტში სიარული სოფლის მოუწესრიგებელი შიდა გზების გამო განსაკუთრებით ცუდ ამინდებში უჭირს.

,,სოფელში, ამხელა გზის ფეხით გავლა, განსაკუთრებით წვიმის დროს ჭირს“ - ამბობს ნაზი ახალკაცი.

ახალციხის მუნიციპალიტეტის მერიის ინფორმაციით, სოფლებში შიდა გზების რეაბილიტაცია ეტაპობრივად მიმდინარეობს. სოფელ ზიკილიაში მთავრი გზის მშენებლობა ორ ეტაპად, 2015-2018 წლებში მიმდინარეობდა, რისთვისაც ნახევარ მილიონამდე ლარი დაიხარჯა.

ახალგაზრდა სტუდენტი დროისა და მანძილის გამო, უნივერსიტეტის მიერ ჩატარებულ ღონისძიებებში ვერ მონაწილეობს.

,,ფილმის ჩვენებას ვერ ვესწრები და გული მწყდება, საღამოს საათებშია და ტრანსპორტი ამ დროს აღარ მოძრაობს, ამიტომ უნივერსიტეტის ფილმის ჩვენებაზე არასდროს ვყოფილვარ“ - გვიყვება სტუდენტი. მიუხედავად პრობლემისა, ნაზი ფიქრობს, რომ სტუდენტურ თვითმმართველობაში გაწევრიანება განვითარებაში ხელს შეუწყობს. ახლა კი, როგორც თავად უწოდებს ,,ლექცია-სემინარის“ პერიოდი აქვს.

ნაზის მომავალი პროფესია ჯერ გადაწყვეტილი არ აქვს, სწავლის გაგრძელებას აპირებს, რადგან ფიქრობს, რომ მაგისტრატურის დამთავრების გარეშე დასაქმება გაუჭირდება.




სოფელი ზიკილია, სამცხე-ჯავახეთის სახელმწიფო უნივერსიტეტი და ბაკურიანი - ამ მარშრუტის გავლა სტუდენტ რატი გელხვიძეს ხშირად უწევს. სამცხე-ჯავახეთის სახელმწიფო უნივერსიტეტში სამსახურის იმედით ჩააბარა, რადგან სწავლის საფასურის ნაწილის გადახდას აღებული ხელფასით ახერხებს, ნაწილს კი ოჯახი უფარავს. სამსახურის გამო ლექციების გაცდენაც ხშირად უწევს.

,,სასაიამოვნოა, როცა სტუდენტი თავად მუშაობს და ოჯახს ამის გამო აღარ აწუხებს. თავისუფალი დრო მხოლოდ შაბათ-კვირას მაქვს, ისიც თუ სამსახურს არ დაემთხვა. ამიტომ, ვცდილობ დრო მეგობრებთან და ოჯახის წევრებთან ერთად გავატარო“.

რატის აზრით, ახალგაზრდების დასაქმებისთვის უმაღლესი განათლების მიღება აუცილებელია.

,,სამსახურის ძებნა რთული პროცესია, უფრო რთულია, როდესაც უმაღლესი სასწავლებლის დიპლომი არ გაქვს. სწავლის დროს მუშაობაც ძნელია, რს გამოც ხშირად უნივერსიტეტის გაცდენა მიწევს“ - ამბობს რატი გელხვიძე.

სწავლასთან ერთად მუშაობა რატიმ 2014 წლიდან დაიწყო, მაშინ როცა პროფესიულ სასწავლებელში დაცვა –პატრულირების სპეციალობაზე სწავლობდა.



დასაქმების სურვილი სამცხე-ჯავახეთის სახელმწიფო უნივერსიტეტის სტუდენტ ნინი გოგოლაძესაც აქვს, თუმცა ამ დრომდე მთელ დროს სწავლას უთმობს. მისი დილა 8 საათზე იწყება, უნივერსიტეტში ლექციებს ესწრება, შემდეგ სახლში ბრუნდება და სემინარებს სწავლობს. თავისუფალ დროს კი მეგობრებთან ერთად ატარებს.

,,თუ კარგი მომავალი მინდა, რაღაცის დათმობაც უნდა შემეძლოს. მეგობრების დახმარებით ახალ გარემოს მარტივად შევეგუე“.

საერთო საცხოვრებლის არარსებობა ახალციხეში პრობლემას წარმოადგენს ნინი გოგოლაძისთვის. იგი ბაკურიანიდან არის, რის გამოც ახალციხეში ნაქირავებ ბინაში ცხოვრობს. ნინის ოჯახისთვის შვილის სტუდენტობა ორმაგ ხარჯს უკავშირდება – გოგოლაძეების ოჯახი ყოველთვიურად სწავლის საფასურის გარდა ბინის ქირასაც იხდის. ნინის თქმით, უნივერსიტეტში ბევრია იმ სტუდენტთა კატეგორია, ვისაც სიარული სოფლიდან უწევს და ამის გამო საუნივერსიტეტო ღონისძიებებში ვეღარ ერთვებიან.

,,საერთო საცხოვრებელი ტრანსპორტირების პრობლემასაც მოაგვარეს უნივერსიტეტში, რადგან სტუდენტებს ქალაქში დარჩენის საშუალება ექნებათ“ - ამბობს ნინი გოგოლაძე.



სამცხე-ჯავახეთის სახელმწიფო უნივერსიტეტში ამბობენ, რომ მათთვის მთავარ გამოწვევად ახალციხეში სტუდენტური საერთო საცხოვრებლის არ არსებობა რჩება.

,,მიმდინარეობს მოლაპარაკება ადგილობრივ ხელისუფლებასთან. ახალციხეში სტუდენტური საცხოვრებლის მშენებლობას ვგეგმავთ, თუმცა დეტალები ჯერ ცნობილი არ არის“ - აღნიშნავს მაკა ბერიძე.

სტუდენტებისთვის შექმნილი პრობლემების საპასუხოდ აცხადებს, რომ ,,ერთადერთი მექანიზმი, სასწავლო ცხრილების შედგენისას, სოფლად მცხოვრები სტუდენტების გათვალისწინებაა, ამიტომ ლექციები ძირითადად დილიდანვე ტარდება. საუნივერსიტეტო ღონისძიებს ყოველთვის ვუთავსებთ სოფლად მცხოვრები სრტუდენტების განრიგს, რადგან ტრანსპორტის პრობლემა არ შეექმნათ “- აღნიშნავს სამცხე-ჯავახეთის სახელმწიფო უნივერსიტეტის რექტორი მაკა ბერიძე.
Facebook Twitter

ამინდი
ახალციხე 11 °C
img
ახალქალაქი 7 °C
img
ასპინძა 9 °C
img
ადიგენი 16 °C
img
ბორჯომი 10 °C
img
თბილისი 16 °C
img
აბასთუმანი 7 °C
img
ბაკურიანი 5 °C
img
ნინოწმინდა 7 °C
img
ვალუტა
EUR
EUR
1
3.1102
RUB
RUB
100
4.3044
TRY
TRY
1
0.4580
USD
USD
1
2.7802
AMD
AMD
1000
5.7897
კალენდარი
Facebook
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.