განათლება
ახალციხეში სკოლის დირექტორებთან შეხვედრა გაიმართა
მასწავლებელთა ეროვნული ცენტრის წარმომადგენლები რეგიონებში გავიდნენ და სკოლის დირექტორებს განათლების სამინისტროს მიერ მიღებული ცვლილებების შესახებ ინფორმაცია მიაწოდეს.
შეხვედრა მე-5 საჯარო სკოლაში გაიმართა. მასწავლებელთა პროფესიული განვითარების ეროვნული ცენტრის პროგრამის ,,ასწავლე საქართველოსთვის" მენეჯერის ლალი წიკლაურის განმარტებით, იმ შემთხვევაში, თუ პენსიამდე მიღწეულ მასწავლებლებს, რომლებმაც დაადასტურეს საგნობრივი კომპეტენცია, აპირებენ ჯილდოს მიღებას და გამოდიან პროფესიიდან, მათ ნაცვლად, სკოლის დირექტორებმა ახალი თანამშრომლები კონკურსის წესით უნდა მიიღონ. მასწავლებლების მოძიება შიდა კონკურსის საფუძველზე უნდა მოხდეს და ვაკანსიებიც ასე შეივსოს.

„თუ პედაგოგი მუშაობს ერთ ან მეტ სკოლაში, მაგალითად სამში, სამივე სკოლიდან მიეცემა ანაზღაურება, ბოლო სამი თვის ხელფასის ოდენობა,საშემოსავლო გადასახადის გარეშე, შემდეგ ეს მრავლდება 24 თვეზე. აიღებს ორი წლის ხელფასს. თუ ჯილდოს აღების შემდეგ პრაქტიკოსი პენსიონერი პედაგოგი ორი წლის მანძლზე გადაწყვეტს დაბრუნდეს სკოლაში, ის ვალდებულია, რომ ეს ჯილდო მთლიანად დააბრუნოს. თუკი ორი წლის მერე გადაწყვეტს, რომ სკოლაში დაბრუნება უნდა, ეს შეუძლია, ოღონდ კომპეტენცია დადასტურებული“, –ამბობს მასწავლებელთა ეროვნული განვითარების ცენტრის პროექტის „ასწავლე საქართველოსთვის“ მენეჯერი ლალი წიკლაური.

,,მასწავლებლებს ღირსება შეუნარჩუნდათ, საშუალება ეძლევათ პედაგოგის კომპეტენციის დადასტურების და მიდიან ღირსეულად" - აცხადებს ,,მეცხრე არხთან" 1-ლი სკოლის დირექტორი. ჟუჟუნა გოგოლაური ამბობს, რომ ინიციატივის გამო სკოლას ორი პედაგოგი ტოვებს, თუმცა დარწმუნებულია, რომ პირველ სკოლაში პედაგოგთა დეფიციტი არ შეიქმნება.

ლალი წიკლაური სამცხე-ჯავახეთის ხუთი მუნიციპალიტეტის სკოლის დირექტორებს უკვე შეხვდა.

,,მასწავლებელთა ეროვნული ცენტრის თანამშრომლობით გავნაწილდით ყველა რეგიონში, რათა შევხვდეთ ყველა მუნიციპალიტეტში რესირსცენტრის ხელმძღვანელებსა და სკოლის დირექტორებს. პრაქტიკოსი პენსიონერი პედაგოგებისთვის დაწესებულია ჯილდო, რომელიც გულისხმობს იმას, რომ თუ ასაკოვან პედაგოგს აღარ აქვს მასწავლებლად მუშაობის გაგრძელების სურვილი, შეუძლია აიღოს ჯილდო და დატოვოს სკოლა. დირექტორებს მივაწოდეთ ინფორმაცია, როგორ უნდა მოიქცნენ მას შემდეგ, როცა ვერ შეავსებენ ვაკანტურ ადგილებს, სადაც იქნება პედაგოგთა დეფიციტი, მასწავლებელთა გაგზავნა მოხდება პროგრამიდან ,,ასწავლე საქართველოსთვის“.

მასწავლებელთა პროფესიული განვითარების ეროვნული ცენტრის პროგრამის მენეჯერმა ასევე ისაუბრა იმის შესახებ, თუ როგორ უნდა მოხდეს სკოლებში საათობრივი გადანაწილება. ლალი წიკლაურმა აღნიშნა ისიც, რომ ნებისმიერ ბაკალავრის ან მაგისტრის დიპლომის მქონე მსურველს შეუძლია მაძიებლის სტატუსით კონკურსში მონაწილეობა. მაძიებელი მასწავლებელი 2 წლის ვადაში გაივლის ინტენსიურ კურსს და მიიღებს კვალიფიკაციას.

ჯილდოს მისაღებად პედაგოგებმა განაცხადი 21 აგვისტომდე უნდა შეავსონ, მაძიებლებმა კი 21 აგვისტოს შემდეგ.

დღესვე კიდევ ერთი სიახლის შესახებ გახდა ცნობილი, განათლების სამინისტრო მუშაობს სპორტისა და ხელოვნების პედაგოგებისთვის საკვალიფიკაციო მოთხოვნების დაწევაზე, რადგან გაირკვა, რომ საჯარო სკოლებში ყველაზე მეტად ამ საგნების პედაგოგების დეფიციტია.

12 აგვისტოს ლალი წიკლაური ბორჯომის სკოლის დირექტორებს შეხვდება და ამით დასრულდება ვიზიტი სამცხე-ჯავახეთში.


Facebook Twitter
პარტნიორი მედიასაშუალებების მასალები
ამინდი
ახალციხე -4 °C
img
ახალქალაქი -7 °C
img
ასპინძა -8 °C
img
ადიგენი 5 °C
img
ბორჯომი -3 °C
img
თბილისი 2 °C
img
აბასთუმანი -5 °C
img
ბაკურიანი -8 °C
img
ნინოწმინდა -7 °C
img
ვალუტა
EUR
EUR
1
3.2606
RUB
RUB
100
4.6194
TRY
TRY
1
0.5077
USD
USD
1
2.9446
AMD
AMD
1000
6.1667
კალენდარი
«« დეკემბერი 2019 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.