განათლება
სახელისუფლებო პარტიის მხარდამჭერი მომღერლები სამცხე-ჯავახეთში, ბიუჯეტიდან დაფინანსებულ კონცერტებში მონაწილეობენ

 

„ქართული ოცნების“ მხარდამჭერმა მომღერლებმა, სამცხე-ჯავახეთში ტურნე გამართეს. კონცერტის სანაცვლოდ, თვითმმართველობებმა მათ ადგილობრივი ბიუჯეტიდან სოლიდური თანხები გადაუხადეს.

მაგალითად, ახალგაზრდობის საერთაშორისო დღეზე ასპინძაში პაატა გულიაშვილმა და პაატა ხაჩიძემ იმღერეს. მერიამ ამისთვის მათთან 2 300-ლარიანი ხელშეკრულება გააფორმა.

5 875 ლარი დაუჯდა ადიგენის მერიას დაბა აბასთუმანში, ღია ცის ქვეშ გამართული კონცერტი. თვითმმართველობამ მარიკა თხელიძეს 1 250 ლარი, პაატა გულიაშვილს 1 875, პაატა ხაჩიძეს კი 2 750 ლარი გადაუხადა.
„მომღერლებმა თავად შემოგვთავაზეს კონცერტს გავმართავთო და დავთანხმდით. ჩვენი შეხედულებისამებრ გადავწყვიტეთ“, - გვითხრა კულტურის სამსახურის უფროსმა ზურა ბეთხოშვილმა.

ახალგაზრდობის საერთაშორისო დღე ახალციხეშიც მოწვეული მომღერლების კონცერტით აღნიშნეს. 1 500 ლარი პაატა ხაჩიძეს, 2 000 ლარი კი გელა გნოლიძეს გადაუხადეს.
„შერჩევა მოხდა მათი ცნობადობის მხრივ. ახალგაზრდებში გამოკითხვა არ ჩაგვიტარებია, კულტურის სამსახურმა შევარჩიეთ, მოვიწვიეთ და ჩამოვიყვანეთ“, - გვითხრა კულტურის სამსახურის ხელმძღვანელმა ზაზა თამარაშვილმა.

ქართველ მომღერლებზე გაცემული ჰონორარებით ბორჯომი ლიდერობს. აქ ზაფხულის სეზონზე სამი ღონისძიება გაიმართა, სადაც მხოლოდ მოწვეულ მომღერლებს 26 250 ლარი გადაუხადეს. კონცერტები შემსრულებლების მხრივ აქ უფრო მრავალფეროვანია. 

„ბორჯომობა“ - 14 350 ლარი
მარიკა თხელიძე 1 200 ლარი;
ნინი ქარსელაძე 1 200 ლარი;
აჩიკო ნიჟარაძე 1 200 ლარი;
გიგი ადამაშვილი 2 000 ლარი;
დავით გომართელი 3 750 ლარი;
ზვიად ბოლქვაძე 5 000 ლარი.

ბორჯომის მერმა ლევან ლიპარტიამ On.ge-სთან განაცხადა, რომ „ბორჯომობისთვის“ მომღერლები ხალხის გამოკითხვის შედეგად შეარჩიეს და მათი პოლიტიკური განწყობები „არაფერ შუაშია“.

„ბორჯომობის“ გარდა, ქართველი მომღერლების მონაწილეობით, კურორტზე კიდევ ორი კულტურული ღონისძიება გაიმართა.

„გიორგი ათონელის ხსენების დღე“ - 6 150 ლარი
პაატა ხაჩიძე 1 250 ლარი;
ნეკა სებისკვერაძე 3 650 ლარი;
პაატა გულიაშვილი 1 250 ლარი.

„კულტურული დღეები ბორჯომში“ - 5 750 ლარი
დავით არჩვაძე - 2 000 ლარი;
აჩიკო ნიჟარაძე 1 250 ლარი;
სალომე შუბითიძე 2 500 ლარი.

ქართული შოუ-ბიზნესის წარმომადგენლებს არ უმღერიათ ნინოწმინდასა და ახალქალაქში.

 

Facebook Twitter
პარტნიორი მედიასაშუალებების მასალები
ამინდი
ახალციხე 12 °C
img
ახალქალაქი 8 °C
img
ასპინძა 12 °C
img
ადიგენი 19 °C
img
ბორჯომი 12 °C
img
თბილისი 18 °C
img
აბასთუმანი 8 °C
img
ბაკურიანი 7 °C
img
ნინოწმინდა 8 °C
img
ვალუტა
EUR
EUR
1
3.2902
RUB
RUB
100
4.6406
TRY
TRY
1
0.5207
USD
USD
1
2.9738
AMD
AMD
1000
6.2422
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.