ახალქალაქის მუნიციპალიტეტის სოფელ ბუღაშენში საქართველოში პირველი ენერგოეფექტური საჯარო სკოლა აშენდა. მოსწავლეებს სასწავლო დაწესებულების გახსნა განათლებისა და მეცნიერების მინისტრმა თამარ სანიკიძემ მიულოცა.
120 მოსწავლეზე გათვლილი სკოლის მშენებლობლობა აუცილებლობამ განაპირობა, რადგან ძველი შენობის დიდი ნაწილი ავარიულ იყო სიცოცხლისთვის საფრხთეს წარმოადგენდა.
მკაცრი კლიმატური პირობების გათვალისწინებით, ბუღაშენის საჯარო სკოლის მშენებლობისას გამოყენებული იქნა ენერგოეფექტური მასალა, რომელიც ენერგიას დაზოგავს და გათბობისთვის გაწეული ხარჯი მნიშვნელოვნად შემცირდება.
სკოლა ადაპტირებულია სპეციალური საგანმანათლებლო საჭიროების მქონე მოსწავლეებისთვის, აღჭურვილია თანამედროვე სასკოლო და საოფისე ინვენტარით, აქვს უახლესი ტექნოლოგიის გათბობის სისტემა, ბიბლიოთეკა, ექიმის კაბინეტი და ღია სპორტული მოედანი.
სამინისტროს ინფორმაციით2013 წლიდან დღემდე 9 საჯარო სკოლისა და 1 პროფესიული სასწავლებლის მშენებლობა განხორციელდა. მიმდინარეობს 11 საჯარო სკოლის მშენებლობა და 18 საჯაო სკოლის პროექტირება, აქედან 4 საჯარო სკოლის მშენებლობა 2015 წელსვე დაიწყება, დანარჩენი 14 სკოლა 2016 წელს აშენდება.
2015 წლიდან დღემდე, რეაბილიტაცია ჩაუტარდა 1089 საჯარო სკოლას, ახალი სასწავლო წლისთვის კიდევ 225 სკოლაში განხორციელდება სარეაბილიტაციო სამუშაოები. მოეწყო 100 სამედიცინო ოთახი, 187 სკოლაში სამედიცინო კაბინეტების მოწყობა მიმდინარეობს.
