მეხუთე საჯარო სკოლის დირექტორის მოვალეობის ახალმა შემსრულებელმა დღეს პედაგოგიურ კოლექტივს ახალი მოადგილე, ახალციხის პირველი საჯარო სკოლის ყოფილი პედაგოგი ზოია ბალიაშვილი წარუდგინა. უკვე ყოფილი მოადგილე ნანა დათაშვილი კი დაკავებული თანამდებობიდან ინგა ვარდიძემ 19 მარტს გაათავისუფლა. იგი ამჟამად სკოლაში მუშაობას პედაგოგის რანგში აგრძელებს. ინგა ვარდიძის განმარტებით, ყოფილი მოადგილის გათავისუფლების მიზეზი გახდა ის, რომ იგი  დაკისრებულ მოვალეობას ვერ ასრულებდა. “ბრძანების საფუძველი შემიძლია გაგაცნოთ. თავის მოვალეობას ვერ ასრულებდა და იმიტომ გავათავისუფლე. ზოია ბალიაშვილი დღეს უკვე დაინიშნა და წარვუდგინე პედაგოგიურ კოლექტივს” – განუცხადა ინგა ვარდიძემ “მეცხრე არხს” სატელეფონო საუბრისას. ნანა დათაშვილი ფიქრობს, რომ სკოლის ხელმძღვანელობიდან მისი  ჩამოშორება  ჯერ კიდევ

     მეხუთე საჯარო სკოლის დირექტორის მოვალეობის ახალმა შემსრულებელმა დღეს პედაგოგიურ კოლექტივს ახალი მოადგილე, ახალციხის პირველი საჯარო სკოლის ყოფილი პედაგოგი ზოია ბალიაშვილი წარუდგინა. უკვე ყოფილი მოადგილე ნანა დათაშვილი კი დაკავებული თანამდებობიდან ინგა ვარდიძემ 19 მარტს გაათავისუფლა. იგი ამჟამად სკოლაში მუშაობას პედაგოგის რანგში აგრძელებს.

ინგა ვარდიძის განმარტებით, ყოფილი მოადგილის გათავისუფლების მიზეზი გახდა ის, რომ იგი  დაკისრებულ მოვალეობას ვერ ასრულებდა.

“ბრძანების საფუძველი შემიძლია გაგაცნოთ. თავის მოვალეობას ვერ ასრულებდა და იმიტომ გავათავისუფლე. ზოია ბალიაშვილი დღეს უკვე დაინიშნა და წარვუდგინე პედაგოგიურ კოლექტივს” – განუცხადა ინგა ვარდიძემ “მეცხრე არხს” სატელეფონო საუბრისას.

ნანა დათაშვილი ფიქრობს, რომ სკოლის ხელმძღვანელობიდან მისი  ჩამოშორება  ჯერ კიდევ მაშინ იყო დაგეგმილი, როდესაც დირექტორის სასერთიფიკაციო გამოცდების გასაუბრების ეტაპზე განათლების სამინისტრომ გაურკვეველი მიზეზების გამო ჩათვალა, რომ გასაუბრება ვერ გაიარა.  მისი თქმით, ეს  ვიღაცის კერძო ინტერესების გამო ხდება. ნანა დათაშვილი მიიჩნევს, რომ მისი გათავისუფლება ინგა ვარდიძის დანიშვნის შემდეგ სკოლაში არსებული სიტუაციის გამო მოხდა.   

“ვერ ვხვდები ვის ინტერესებში შედის, მაგრამ მე ვხსნი დღევანდელი ვითარებით, რომ სწორედ  მათი გადაწყვეტილებებიდან გამომდინარე, რაც ამ პერიოდის მანძილზე თავს მოგვახვიეს კოლექტივს, ვთვლი, რომ ჯერ კიდევ   გასაუბრების დროს იყო ის, რომ მე ვიღაცის კერძო ინტერესებმა გამწია გვერდზე. თუმცა ვამბობ, რომ მე ვარ აბსოლუტურად აპოლიტიკური და ვთვლი, რომ სკოლის პედაგოგი უნდა იყოს თავისუფალი ყველანაირი პოლიტიკისგან” –  აცხადებს ნანა დათაშვილი.

შეგახსენებთ, რომ  განათლებისა და მეცნიერების სამინისტრომ ინგა ვარდიძე პირადი განაცხადის საფუძველზე აღნიშნულ თანამდებობაზე 12 მარტს დაამტკიცა. 13 მარტს კი იგი სამსახურში გამოცხადდა, რასაც პედაგოგთა მხრიდან პროტესტი მოჰყვა.

უფრო დაწვრილებით დეტალებს “მეცხრე არხი”  21 მარტსაც შემოგთავაზებთ.